બહેન થઈ નારાજ, ભાઈ પર કાઢ્યો ગુસ્સો; “હાર્દિક પટેલ તેનું “સ્વમાન અને ઈમાન” મૂકીને ભાજપમાં જોડાશે, ત્યાં તેનું પતન નિશ્ચિત છે” : રેશમા પટેલ

Face Of Nation 01-06-2022 : કોંગ્રેસમાંથી રાજીનામું આપ્યા બાદ હાર્દિક પટેલ ભાજપમાં જોડાઈ જશે એવી ચર્ચાએ જોર પકડયું હતું, પરંતુ હવે તે આગામી બીજી જૂનના રોજ મુખ્યમંત્રી ભુપેન્દ્ર પટેલ અને ભાજપના પ્રદેશ પ્રમુખ સી.આર.પાટીલની હાજરીમાં ભાજપમાં જોડાશે. ત્યારે આ આ મામલે પાટીદાર આંદોલનના સમયગાળા દરમિયાન હાર્દિક પટેલના સાથી રહી ચૂકેલા રેશ્મા પટેલે હાર્દિક પટેલ ઉપર પોતાનો આક્રોશ વ્યક્ત કર્યો હતો.
જે થાળીમાં ખાધું એ જ થાળીમાં થુકીને કોંગ્રેસની બુરાઈ કરી
મહેસાણા ખાતે આવેલા રેશ્મા પટેલે જણાવ્યું હતું કે, હાર્દિકના શૂરમાં છેલ્લા 3 માસથી ભાજપ માટેની ચાહના અને પ્રીત વધી રહી હતી. એના પરથી સ્પષ્ટ થાય છે કે એ ભાજપમાં જ જોડાવાનો છે. જે કોંગ્રેસ હાર્દિકને મોટો કર્યો, માનપાન આપ્યું એટલે કે હાર્દિકે જે થાળીમાં ખાધું એજ થાળીમાં થુકીને કોંગ્રેસની બુરાઈ કરી રહ્યો હતો.
આજ હાર્દિક પટેલ સમાજ સાથે અન્યાય કર્યો છે
હાર્દિક પટેલ ભાજપમાં જોડાય છે તો મારું સ્પષ્ટ માનવું છે કે તેણે પોતાની કારકિર્દીનું બાર મરણ કર્યું છે. ભાજપમાં જોડાવવાનું એનું પગલું આત્મઘાતી પગલું સાબિત થશે. વધુમાં જણાવ્યું હતું કે, સમાજ હવે હાર્દિકની સાથે રહેશે નહીં. સમાજ સાચા મુદ્દાઓની સાથે હતો કોઈ વ્યક્તિની સાથે નહોતો. પરંતુ તેણે સમાજની લાગણીઓનેને દુભાવી છે. 2017માં અમે બધા તેનાં સાથીઓ હતા અને આજ હાર્દિક પટેલ સમાજ સાથે અન્યાય કર્યો છે. સમાજની માંગણીઓ આજ પણ ભાજપે પુરી કરી નથી. અમે ભાજપની પાર્ટીના અનુભવ લઇને આવ્યા છીએ.
ક્યાં મોઢે હાર્દિક ભારતીય જનતા પાર્ટીમાં જોડાશે
હાર્દિકને મેં પોતે પત્ર લખીને જણાવ્યું હતું કે, આત્મઘાતી પગલું છે. રહેવા દેજો ભારતીય જનતા પર્ટીમાં જવાથી કોઈ ફાયદો થવાનો નથી. ભારતીય જનતા પાર્ટી આજ સુધી સમાજની જે માંગણીઓ છે કેસ પાછા ખેંચવાની અને નોકરીઓ આપવાની એ માંગણી હજુ પણ પુરી નથી કરી. તો ક્યાં મોઢે હાર્દિક પટેલ ભારતીય જનતા પાર્ટીમાં જોડાશે અને હાર્દિક પટેલને આજ પાર્ટીએ ખરતો તારો કહ્યું હતું, દેશ દ્રોહી કહ્યું હતું, જાતિ વિરોધી તત્વો કહ્યું હતું, તો તમે ભૂલી ગયા આ બધું થુકેલું ચાટવા જેવી વાત છે. હાર્દિક પોતાનું સ્વમાન ઈમાન મૂકી ભારતીય જનતા પાર્ટીમાં જોડાવા જઇ રહ્યો છે તેને મુબારક પરંતુ ત્યાં તેનું પતન નિશ્ચિત છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).