ફ્રેન્ચ ઓપન બે વિવાદ : કેમિલાના ડ્રેસ પર લોગોને લઈ થયો વિવાદ; ફિલ્ડ અમ્પાયરને કહ્યું-મારી પાસે બીજો કોઈ ડ્રેસ નથીં હું આ ડ્રેસ પહેરીને જ રમીશ, તો પિતા ચાલુ મેચમાં સ્મોકિંગ કરતાં પકડાયાં!

Face Of Nation 02-06-2022 : ફ્રેન્ચ ઓપન દરમિયાન ઈટાલિયન ટેનિસ સ્ટાર કેમિલા જ્યોર્જીને ફિલ્ડ અમ્પાયરે મેચ પહેલા રમતા અટકાવી દીધી હતી. વિવાદ વધતા જાણવા મળ્યું કે અમ્પાયરને કેમિલાએ પહેરેલા પોશાક સામે વાંધો હતો. નિયમો પ્રમાણે આ પ્રમાણેના કપડાં ન પહેરી શકાય. જોકો ત્યારપછી મેચ રમાઈ હતી પરંતુ પોસ્ટ મેચ સેશન દરમિયાન બંને વચ્ચે આ મુદ્દે ચર્ચા થઈ હતી. તો બીજી બાજુ આ ફ્રેન્ચ ઓપ કેમિલા માટે જ નહીં તેના પિતા માટે પણ વિવાદિત રહી હતી. મીડિયા રિપોર્ટ્સના આધારે એક મેચ દરમિયાન કેમિલાના પિતા વેપ દ્વારા ચાલુ મેચમાં સ્મોકિંગ કરતા નજરે પડ્યા હતા.
ફિલ્ડ અમ્પાયર અને કેમિલા વચ્ચે વિવાદ
સબાલેન્કા વિરૂદ્ધ મેચ શરૂ થાય એની પહેલાં અમ્પાયરે કેમિલા સાથે વાતચીત કરી હતી. કેમિલાએ પહેરેલાં કપડા પર એક જાહેરાત કંપનીનો લોગો નિશ્ચિત સાઈઝ કરતા મોટો છે. તેથી ફિલ્ડ અમ્પાયર અને અધિકારીઓએ આ કપડાને બદલવા ટકોર કરી હતી. ત્યારે કેમિલાએ કહ્યું- મારી પાસે બીજો કોઈ ડ્રેસ નથીં હું આ કપડા પહેરીને જ રમીશ. હું પહેલાં પણ આ ડ્રેસ પહેરી રમી ચૂકી છું.
લોકર રૂમમાં કેમિલાએ અલગ ડ્રેસ પહેર્યો હતો
ટેનિસ કોમેન્ટેટર જોસ મોર્ગાડોના જણાવ્યા પ્રમાણે અમ્પાયરે જિયોર્ગીએ કહ્યું કે તે આવા કપડા પહેરીને તે રમી શકે છે પરંતુ મેચ પછી આ અંગે તેની સાથે ચર્ચા થઈ શકે છે. જોકે ત્યાર પછી કોમેન્ટેટરે એક તસવીર શેર કરી જણાવ્યું કે, લોકર રૂમમાં કેમિલાએ અલગ ડ્રેસ પહેર્યો હતો જેમાં જાહેરાતનો લોગો નહોતો. પરંતુ મેચ રમવા આવી ત્યારે તેના ડ્રેસમાં એ લોગો જોવા મળ્યો હતો. ફ્રેન્ચ ઓપનમાં ખેલાડીઓ દ્વારા પહેરવામાં આવતા કપડાં પણ જાહેરાતના લોગો લગાડવાની સાઈઝ નિશ્ચિત હોય છે. આ કોઈપણ પ્રકારે યોગ્ય સાઈઝથી મોટો ન હોવો જોઈએ. જો કોઈ ખેલાડી આનું ઉલ્લંઘન કરે તો એને બહારનો રસ્તો પણ બતાડી શકાય છે.
કેમિલાના પિતા પણ વિવાદમાં ફસાયા
ઈટાલિયન ટેનિસ સ્ટાર કેમિલા અન્ય એક મેચ દરમિયાન રમી રહી હતી ત્યારે તેના પિતા લાઈવ મેચમાં સ્મોકિંગ કરતા પકડાયા હતા. આ દરમિયાન સર્જિયો સ્ટેન્ડ્સમાં વેપ દ્વારા સ્મોકિંગ કરતા હતા પરંતુ કેમેરો જેવો તેમના તરફ આવ્યો કે તેણે ટોવેલથી પોતાનું મોઢું ઢાંકી દીધું હતું. આ દરમિયાન તેમની આ તસવીરો સોશિયલ મીડિયામાં વાઈરલ થઈ હતી અને લોકો આકરી ટિકા પણ કરી રહ્યા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).