Face Of Nation 02-06-2022 : અક્ષય કુમારની ફિલ્મ ‘સમ્રાટ પૃથ્વીરાજ’ ત્રીજી જૂનના રોજ થિયેટરમાં રિલીઝ થઈ રહી છે. આ ફિલ્મથી મિસ વર્લ્ડ માનુષી છિલ્લર બોલિવૂડ ડેબ્યૂ કરી રહી છે. આ ફિલ્મ દિલ્હીના ચાણક્ય થિયેટરમાં ગૃહમંત્રી અમિત શાહ માટે ‘સમ્રાટ પૃથ્વીરાજ’નું સ્પેશિયલ સ્ક્રીનિંગ યોજવામાં આવ્યું હતું. આ ફિલ્મ રિલીઝ થાય તેના બે દિવસ પહેલાં ગૃહમંત્રી અમિત શાહ માટે સ્પેશિયલ સ્ક્રીનિંગ યોજવામાં આવ્યું હતું. તો બીજીતરફ કેન્દ્રિય ગૃહમંત્રી અમિત શાહ પત્ની સોનલ સાથે 13 વર્ષ બાદ ફિલ્મ જોવા ગયા હતા. ફિલ્મ પૂરી થઈ તો શાહ થિયેટરમાંથી બહાર જવા લાગ્યા હતા. જોકે, પત્ની સોનલ ત્યાં જ ઊભાં રહ્યાં હતાં. આ દરમિયાન અમિત શાહે કંઈક સ્પેશિયલ કર્યું હતું. શાહે એ જ અંદાજમાં પત્નીને ઘરે જવાનો આગ્રહ કર્યો હતો, જે અંદાજમાં ફિલ્મમાં સંવાદ બોલવામાં આવ્યો હતો. શાહે પત્નીને કહ્યું હતું, ‘ચલિયે હુકુમ.’
આપણી સંસ્કૃતિની મહાનતાને પણ દર્શાવે છે : શાહ
ફિલ્મ જોયા બાદ અમિત શાહે વખાણ કર્યા હતા અને કહ્યું હતું કે, આ ફિલ્મ માત્ર એક અદ્વિતીય યૌદ્ધાની વાત નથી કરતી, પરંતુ તે આપણી સંસ્કૃતિની મહાનતાને પણ દર્શાવે છે. આ ફિલ્મની વાર્તા ભારતીય સંસ્કૃતિ તથા મહિલા સશક્તિકરણને ઘણી જ સારી રીતે દર્શાવે છે. હોમ મિનિસ્ટરે ફિલ્મની ટીમને શુભેચ્છા પાઠવી હતી.
‘ફિલ્મની પ્રશંસા કરીને અમારી મહેનત સફળ બનાવી’
ગૃહમંત્રીએ ફિલ્મની પ્રશંસા કરી તો અક્ષય કુમારે સોશિયલ મીડિયામાં પોસ્ટ શૅર કરીને તેમનો આભાર માન્યો હતો. અક્ષયે કહ્યું હતું, ‘મારા માટે આ સાંજ ભાવુક તથા ગર્વથી ભરેલી હતી. ગૃહમંત્રી અમિત શાહે અમારી ફિલ્મ જોઈ. તેમણે અમારી ફિલ્મની પ્રશંસા કરીને અમારી મહેનત સફળ બનાવી છે.. તેમનો ઘણો જ આભાર.’ (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
