Face Of Nation 05-06-2022 : અમેરિકામાં ફરી એક વખત ફાયરિંગની ઘટના સામે આવી છે. અહીં ફિલાડેલ્ફિયા શહેરમાં શનિવારે મોડી રાત્રે થયેલા ફાયરિંગમાં ત્રણ લોકોના મોત થયા છે. જેમાં 1 મહિલા, 2 પુરુષનો સમાવેશ થાય છે, હોસ્પિટલ લઈ જતી વખતે તેમના મોત થયું હતું. 11 લોકો ઈજાગ્રસ્ત થયા છે.
ઘટના સ્થળેથી બે હથિયાર મળી આવ્યા
ઈજાગ્રસ્તોની સ્થિતિ અંગે ખાસ માહિતી હજુ સુધી મળી શકી નથી.ફિલાડેલ્ફિયા પોલીસના જણાવ્યા પ્રમાણે સાઉત સ્ટ્રીટમાં સેંકડો લોકો વીકેન્ડ એન્જ્યોઈ કરી રહ્યા હતા, તે સમયે એક હુમલાખોરો ભીડ ઉપર આડેધડ ફાયરિંગ કર્યું હતું. પોલીસનું કહેવું છે કે, ઘટના સ્થળેથી બે હથિયાર મળી આવ્યા છે. જોકે હુમલાખોરની હજુ સુધી ધરપકડ કરી શકાઈ નથી.
પોલીસ કરેલા ફાયરિંગથી શંકાસ્પદ બચી ગયો
પોલીસ ઈન્સ્પેક્ટર ડી.એફ.પેસે મીડિયા બ્રીફિંગમાં જણાવ્યું હતું કે, ભીડ પર ગોળીઓ ચલાવનાર એક શંકાસ્પદ વ્યક્તિ ઉપર પોલીસે પણ ફાયરિંગ કર્યું હતું. પણ હજુ સુધી એ બાબત સ્પષ્ટ થઈ શકી નથી કે તેને ગોળી લાગી હતી કે નહીં. પોલીસે સાઉથ સ્ટ્રીટ વિસ્તારને સીલ કરી દીધો છે અને સાવચેતીના ભાગરૂપે લોકોને ત્યાં નહીં જવા આદેશ આપ્યો છે. ઘટનાની તપાસ માટે પોલીસ આજુબાજુની દુકાનોના CCTV ફુટેજ પણ તપાસી રહી છે.
ફાયરિંગની ઘટના અટકી રહી નથી
અમેરિકામાં ફાયરિંગની સતત ઘટના બની રહી છે અને તે અટકતી નથી. મંગળવારે ન્યૂ ઓરલિયન્સમાં એક હાઈસ્કૂલ ગ્રેજ્યુએશન સેરેમનીમાં ફાયરિંગ થયા બાદ એક વૃદ્ધ મહિલાનું મોત થયું હતું અને 2 લોકો ઈજાગ્રસ્ત થયા હતા. આ અગાઉ ટેક્સાસ રાજ્યની એક શાળામાં ફાયરિંગમાં 19 વિદ્યાર્થી સહિત 2 શિક્ષકના મોત થયા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
