Face Of Nation 07-06-2022 : સોનાક્ષી સિંહા તથા 34 વર્ષના ઝહીર ઈકબાલ વચ્ચે અફેર હોવાની ચર્ચા છેલ્લા ઘણા સમયથી થતી હતી. સોનાક્ષીનો બીજી જૂનના રોજ બર્થડે હતો. ઝહીરે સોશિયલ મીડિયામાં એક્ટ્રેસને જન્મદિવસની શુભેચ્છા પાઠવતો એક વીડિયો શૅર કર્યો હતો. આ વીડિયો શૅર કરીને ઝહીરે સોનાક્ષી સાથેના સંબંધો ઓફિશિયલ કર્યા હતા. તો બીજીતરફ સોનાક્ષી તથા ઝહીર આ વર્ષે લગ્ન કરે એવી શક્યતા છે. જોકે પરિવારે આ અંગે કોઈ વાત કરી નથી.
ઝહીરે પોસ્ટ શૅર કરીને કહ્યું, આઇ લવ યુ
સોનાક્ષી સિંહા તથા ઝહીર વીડિયોમાં દેખાય છે. સોનાક્ષી નાસ્તો કરતી હોય છે. ઝહીરે કેપ્શનમાં કહ્યું હતું, ‘હેપ્પી બર્થડે સોન્ઝ, મને ના મારવા માટે થેંક યુ. આઇ લવ યુ. આગામી સમયમાં આ જ રીતે હસતા, ખાતા તથા ખુશીઓ મનાવતા રહીશું.’ તો બીજીતરફ ઝહીરની આ પોસ્ટ પર સોનાક્ષીએ પણ કમેન્ટ કરી હતી. સોનાક્ષીએ કહ્યું હતું, ‘થેંક યુ…લવ યુ… હવે હું તને મારવાની છું.’ ઝહીરની આ પોસ્ટ પર સેલેબ્સ તથા ચાહકોએ કમેન્ટ્સ કરી હતી.
લગ્નમાં સાથે જોવા મળ્યા હતા
બંને લાંબા સમયથી એકબીજાને ડેટ કરે છે. ઝહીર તથા સોનાક્ષી થોડા દિવસ પહેલાં પ્રોડ્યુસર દિનેશ વિજનની બહેન પૂજાના લગ્નમાં સાથે જોવા મળ્યાં હતાં. થોડાં સમય પહેલાં સોનાક્ષીએ પોતાની બ્યૂટી બ્રાન્ડ શરૂ કરી હતી. આ સમયે તેણે ડાયમંડ રિંગ ફ્લૉન્ટ કરી હતી. એ સમયે સોનાક્ષીએ સગાઈ કરી હોવાની ચર્ચા થતી હતી. તો બીજીતરફ સોનાક્ષી સિંહાના વર્કફ્રન્ટની વાત કરીએ તો તે ‘દહાડ’થી ડિજિટલ ડેબ્યુ કરવાની છે. આ ઉપરાંત તે ઝહીર ઈકબાલ તથા હુમા કુરૈશી સાથે ‘ડબલ XL’ ફિલ્મમાં જોવા મળશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
