Face Of Nation 09-06-2022 : આજે ભારત અને દક્ષિણ આફ્રિકા વચ્ચે પહેલી T20 મેચ સાંજે 7 વાગે દિલ્હીના અરુણ જેટલી સ્ટેડિયમમાં રમાશે. ભારતીય ટીમમાં વિરાટ-રોહિતની ગેરહાજરીમાં કે.એલ.રાહુલને આ સિરીઝ માટે કેપ્ટન પસંદ કરાયો હતો. તેવામાં હવે રાહુલ ઈજાગ્રસ્ત થઈ જતા ટીમથી બહાર થઈ ગયો છે. આની સાથે ટીમમાં કમબેક કરી રહેલો કુલદીપ યાદવ પણ આખી સિરીઝથી બહાર થઈ ગયો છે. તો બીજીતરફ ભારતીય ટીમની યુવા બ્રિગેડને હવે રિષભ પંત કેપ્ટન તરીકે લીડ કરશે. ત્યારે બીજી બાજુ વાઈસ કેપ્ટન તરીકે હાર્દિક પંડ્યાની ટીમમાં પસંદગી કરવામાં આવી છે. પાંચ T20 મેચની સિરીઝ ભારતમાં રમાશે, જે આગામી વર્લ્ડ કપને ધ્યાનમાં રાખતા મહત્ત્વપૂર્ણ રહેશે.
રોહિત સિરીઝથી આરામ કરતા પૂર્વ ક્રિકેટર નારાજ
દક્ષિણ આફ્રિકા સામેની T20 સિરીઝમાં રોહિત શર્માની ગેરહાજરી મુદ્દે પૂર્વ ક્રિકેટર આર.પી.સિંહે નારાજગી વ્યક્ત કરી છે. તેણે કહ્યું છે કે, રોહિત એક જવાબદાર ખેલાડી છે અને એક કેપ્ટન તરીકે તેને આવી રીતે આરામ ન કરવો જોઈએ. જો તેને આરામ અપાયો હોય તો પણ રોહિતે મેનેજમેન્ટ સાથે વાતચીત કરવી જોઈએ. કારણ કે આ સિરીઝ 5 મેચની છે અને એક કેપ્ટન તરીકે આ સ્કિપ કરવી ઘણી ચર્ચાસ્પદ રહી શકે છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
