Face Of Nation 09-06-2022 : અમેરિકન રાષ્ટ્રપતિ જો બાઇડનનો એક વીડિયો સોશિયલ મીડિયા પર વાઇરલ થઈ રહ્યો છે. આ વીડિયોમાં બાઈડન પ્લેનની સીડીઓ ચડતી વખતે લપસી જતા હોય એવું દેખાય છે. જોકે રાષ્ટ્રપતિ જો બાઈડને સીડીઓની રેલિંગ પકડીને પોતાની જાતને સંભાળી લીધા અને સારી વાત એ રહી કે તેમને કોઈ ઈજા ના થઈ.
2021માં પણ બાઈડન સાથે આવી દુર્ઘટના થઈ હતી
હકીકતમાં રાષ્ટ્રપતિ જો બાઈડન એક ટીવી શોમાં ઈન્ટરવ્યુ માટે લોસ એન્જલસ જતા હતા. લોસ એન્જલસ જવા માટે તેઓ એરફોર્સ વનની સીડીઓ ચડતા હતા ત્યારે જ તેમનું બેલેન્સ ગયું અને તેઓ સીડીઓ પર લપસવા જેવા થઈ ગયા. તેઓ સીડીની સાઈડની રેલિંગ પકડીને તેમનું બેલેન્સ જાળવી રહ્યા છે. પોતાને સંભાળ્યા પછી તેઓ પ્લેનમાં જઈને બેસી જાય છે. અગાઉ આ પહેલાં 2021માં પણ જો બાઈડન સાથે આવી દુર્ઘટના થઈ હતી. ત્યારે તેઓ એટલાન્ટાની મુલાકાતે જતા હતા. ત્યાં તેમને એશિયાઈ-અમેરિકન સમુદાય સાથે મુલાકાત કરવાની હતી. આ દરમિયાન પણ તેમનો પગ લપસ્યો હતો.
અમેરિકાના પ્રેસિડન્ટ ઉંમરમાં સૌથી મોટા
બાઈડન અમેરિકામાં રાષ્ટ્રપતિ પદ સંભાળનારા સૌથી મોટી ઉંમરના નેતા છે. 79 વર્ષના ડેમોક્રેટ નેતાએ 20મી જાન્યુઆરી 2021ના રોજ રાષ્ટ્રપતિ પદના શપથ લીધા હતા. તેમણે રિપબ્લિક ઉમેદવાર ડોનાલ્ડ ટ્રમ્પને હરાવીને અમેરિકન સત્તા મેળવી છે. આ પહેલાં નવેમ્બર 2020માં બાઈડનના ડાબા પગ પર હેરલાઈન ફ્રેક્ચર થઈ ગયું હતું. તેઓ તેમના કૂતરા સાથે રમતા હતા એ દરમિયાન આ દુર્ઘટના થઈ હતી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
