Face Of Nation 15-06-2022 : રાજ્યમાં કોરોનાના કેસમાં ફરીથી વધારો થઈ રહ્યો છે. છેલ્લા 24 કલાકમાં કોરોનાના 184 નવા કેસ નોંધાયા છે. જ્યારે 112 દર્દી સાજા થયા છે. 108 દિવસ બાદ 180નો આંકડો પાર થયો છે. અગાઉ 26 ફેબ્રુઆરીએ 230 કેસ હતાં. આજે અમદાવાદ શહેરમાં 91 નવા કેસ નોંધાયા છે. જ્યારે ચાર દિવસ બાદ એક દર્દીનું મોત થયું છે. રાજ્યમાં કોરોનાનો રિક્વરી રેટ 99.03 ટકા થયો છે. છેલ્લા 8 દિવસથી કોરોનાના નવા કેસ 100થી વધુ નોંધાઈ રહ્યા છે. 11મી જૂને 102 દિવસ બાદ 150થી વધુ નવા કેસ નોંધાયા હતા. 11મી માર્ચે 162 કેસ હતા. તો બીજીતરફ રાજ્યમાં અત્યાર સુધીમાં 12 લાખ 26 હજાર 685ના રિપોર્ટ પોઝિટિવ આવ્યા છે, જ્યારે મૃત્યુઆંક 10 હજાર 946 થયો છે. તેમજ અત્યાર સુધીમાં 12 લાખ 14 હજાર 775 દર્દી ડિસ્ચાર્જ થયા છે. એક્ટિવ કેસની વાત કરીએ તો રાજ્યમાં હાલ 991 એક્ટિવ કેસ છે, એક દર્દી વેન્ટિલેટર પર છે અને 990 દર્દીઓની હાલત સ્થિર છે.
17 જિલ્લા અને 7 કોર્પોરેશન વિસ્તારમાં નવા કેસ
વડોદરા શહેરમાં 18, સુરત શહેરમાં 16, રાજકોટ શહેરમાં 10 તથા ગાંધીનગર શહેરમાં 7 કેસ નોંધાયા છે. જ્યારે કચ્છ, સુરત અને વલસાડ જિલ્લામાં 4-4, અમદાવાદ, ભરૂચ ગાંધીનગર, જામનગર અને રાજકોટ જિલ્લામાં 3-3 નવા કેસ નોંધાયા છે. જ્યારે જામનગર શહેર, આણંદ, ગીર સોમનાથ, અને ખેડા, મોરબી તથા નવસારી જિલ્લામાં 2-2 કેસ નોંધાયો છે. તો આજે 16 જિલ્લા અને 1 કોર્પોરેશન વિસ્તારમાં કોરોનાનો એક પણ નવો કેસ નોંધાયો નથી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
