Face Of Nation 20-06-2022 : વાયુસેના પછી આર્મીએ પણ અગ્નિપથ સ્કીમ અંતર્ગત ભરતી માટે સોમવારે નોટિફિકેશન જાહેર કર્યું છે. અગ્નિવીરોની ભરતી માટે પહેલી જુલાઈથી રજિસ્ટ્રેશન શરૂ થશે. નોટિફિકેશન પ્રમાણે એમાં 8મું અને 10મું ધોરણ પાસ યુવકો પણ અપ્લાય કરી શકશે. નોટિફિકેશનમાં યોગ્યતા, ભરતી પ્રક્રિયા, વેતન-ભથ્થાથી લઈને સર્વિસ રૂલ્સ વિશેની માહિતી આપવામાં આવી છે. ઓનલાઈન રજિસ્ટ્રેશન joinindianarmy.nic.in વેબ પર જઈને કરી શકાય છે. અગ્નિપથ યોજના અંતર્ગત ચાર વર્ષ માટે ભરતી કરાશે.નોટિફિકેશન પ્રમાણે ભરતી માટે રજિસ્ટ્રેશન જુલાઈથી કરવામાં આવશે. સેનાએ સ્પષ્ટ કહ્યું છે કે અગ્નિવીર સેનામાં એક અલગ રેન્ક હશે. તે હાલના કોઈ રેન્ક સાથે જોડાયેલો નહીં હોય. 5મા ગ્રેડમાં ભરતીનું નોટિફિકેશન જાહેર કરવામાં આવ્યું છે. આ ગ્રેડ છે- અગ્નિવીર જનરલ ડ્યૂટી, અગ્નિવીર ટેક્નિકલ, અગ્નિવીર ક્લર્ક, અગ્નિવીર ટ્રેડર્સમેન (10મું પાસ), અગ્નિવીર ટ્રેડર્સમેન (8મું પાસ). (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
