Face Of Nation 21-06-2022 : રાજ્યમાં દિવસે દિવસે કોરોનાના કેસો વધી રહ્યા છે. તેમાં સૌથી વધુ કોરોનાના કેસો અમદાવાદ શહેરમાં વધી રહ્યા છે. કોરોનાના વધતાં કેસોની સંખ્યા જોતા હવે ફરી ચિંતા ઉભી થઇ છે. શહેરમાં છેલ્લા એક અઠવાડિયામાં કોરોનાના કેસો વધી રહ્યા છે અને પોઝિટિવિટી રેટમાં પણ વધારો થઇ રહ્યો છે. અમદાવાદ મ્યુનિસિપલ કોર્પોરેશન (AMC)ના આરોગ્ય વિભાગના જણાવ્યા મુજબ શહેરમાં કોરોનાના કેસો સૌથી વધુ પશ્ચિમ વિસ્તારમાં છે. જેમાં સૌથી વધુ કેસો જોધપુર, સેટેલાઇટ, બોપલ, એસજી હાઇવે, બોડકદેવ, વસ્ત્રાપુર સહિતના વિસ્તારમાં નોંધાયા છે. સૌથી વધુ કેસો પશ્ચિમ વિસ્તારમાં નોંધાતા લોકોએ સાવચેત રહેવાની જરૂર છે.
પોઝિટિવિટી રેટમાં થોડો ઘણો વધારો
અમદાવાદ મ્યુનિસિપલ કોર્પોરેશનના આરોગ્ય વિભાગના ઇન્ચાર્જ વડા ડો. ભાવિન સોલંકીએ જણાવ્યું હતું કે, શહેરમાં કોરોના એક્ટિવ કેસની સંખ્યા 700ની આસપાસ છે. જેમાં 19 દર્દીઓ હોસ્પિટલમાં દાખલ છે. જેમાં સ્વપ હોસ્પિટલમાં 7, ખાનગી હોસ્પિટલમાં 8, સોલા સિવિલમાં 3 અને યુએન મહેતા હોસ્પિટલમાં 1 દર્દી દાખલ છે. સૌથી વધુ કેસો પશ્ચિમ વિસ્તારમાં આવેલા જોધપુર, થલતેજ બોડકદેવ અને નવરંગપુરા વિસ્તારમાં નોંધાયા છે. શહેરના તમામ અર્બન હેલ્થ સેન્ટર કાલુપુર રેલવે સ્ટેશન અને એસટી રેલવે સ્ટેશન દરેક જગ્યાએ ટેસ્ટિંગ કરવામાં આવી રહ્યા છે. દરરોજ અંદાજે 2500થી 3000 જેટલા ટેસ્ટ કરવામાં આવી રહ્યા છે. પોઝિટિવિટી રેટમાં થોડો ઘણો વધારો જોવા મળી રહ્યો છે.
લોકો એ ફરી એકવાર સાવચેત રહેવાની જરૂર
શહેરમાં દિવસે દિવસે કોરોનાના કેસો વધતા લોકો એ ફરી એકવાર સાવચેત રહેવાની જરૂર છે. લોકોએ અત્યારથી સાવચેત રહેવાની જરૂર છે. મ્યુનિસિપલ કોર્પોરેશન દ્વારા માસ્ક પહેરવાની લોકોને અપીલ કરવામાં આવી છે. ભીડવાળી જગ્યા માં ન જવા પણ અપીલ કરવામાં આવી છે. આગામી દિવસોમાં કોરોના ના કેસો ન વકરે તે તેના માટે લોકો જાતે જ સાવચેત રહે તે ખુબ જ મહત્વનું છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
