Face Of Nation:ભાવનગરમાં સગીરા સાથે અડપલા કર્યાનો વીડિયો છેલ્લા 15 દિવસથી સોશિયલ મીડિયામાં વાયરલ થયો છે.બોરતળાવ કુમુદવાડી ખાતે આવેલ હીરાના કારખાનામાં એક સગીરાને અગાસી પર લઈ ગયો હતો.આ અંગે પોલીસ સ્ટેશનમાં ફરિયાદ નોંધાવવામાં આવી હતી. ભાવનગરના કોળી સમાજના લોકોએ એકઠા થઈ વરતેજના આરોપી યુવક સામે પોસ્કોની સાથે દુષ્કર્મની પણ ફરિયાદ નોંધવા જણાવ્યું હતું પરંતુ દુષ્કર્મ થયું ન હોય પોલીસે માત્ર અડપલાંની જ ફરિયાદ નોંધી હતી.
ભાવનગર પાસેના વરતેજ ખાતે રહેતા અને હાલ દેવબાગ અનંતવાડીમાં રહેતા સુરેશ શિવાભાઈ માધવાણી નામના યુવકે ગત 11/7ના બપોરે બોરતળાવ કુમુદવાડી ખાતે આવેલ હીરાના કારખાનામાં એક સગીરાને અગાસી પર લઈ ગયો હતો.ત્યારબાદ તેણીના શરીરના જુદા-જુદા ભાગો પર અડપલાં કર્યાની સગીરાના પિતાએ ડી.ડીવીઝન પોલીસ સ્ટેશનમાં ફરિયાદ નોંધાવાતા પોલીસે પોસ્કો સહિતની કલમો હેઠળ ગુનો દાખલ કર્યો છે. આ વીડિયો વાયરલ થતાં સમગ્ર વિસ્તારમાં ચકચાર મચી ગઈ હતી.
