પોરબંદરનું વહાણ “ઓમાનના દરિયા”માં ડૂબ્યું; સલાલા બંદરથી યમન જઈ રહેલા ‘રાજ સાગર’ વહાણની જળસમાધિ, વહાણનો કાટમાળ- જૂના વાહનો દરિયાકિનારે તણાઈ આવ્યા, બેના મોત!

Face Of Nation 22-06-2022 : પોરબંદરના ‘રાજ સાગર’ નામના માલવાહક વહાણે ઓમાનના દરિયામાં જળસમાધિ લેતા વહાણના કેપ્ટન અને એક ક્રુ મેમ્બરનું મોત નિપજ્યું હતું. જ્યારે અન્ય 8ને સ્થાનિક સુરક્ષા એજન્સીઓ દ્વારા બચાવી લેવામાં આવ્યા હતા. જળસમાધિ લેનાર વહાણ સલાલા બંદરથી જૂના વાહનો ભરી યમન જઈ રહ્યું હતું.
દુબઈથી વાહનો ભરીને યમન જવા નીકળેલ હતું
પોરબંદરના રાજ સાગર નામનુ વહાણ ઓમાનના સલાલાથી 22 નોટિકલ માઈલ દૂર પહોંચ્યા બાદ દરિયામાં ડુબવાની ઘટના સામે આવી છે. જળસમાધિ લેનારા વહાણ રાજ સાગર બે-ચાર દિવસ પહેલા જ દુબઈથી જૂના વાહનો ભરીને યમન જવા નીકળેલ હતુ. આ વહાણ ગત મોડીરાત્રીના ચાર વાગ્યાના અરસામાં ઓમાનના સલાલાથી 22 નોટિકલ માઈલ દૂર જળ સમાધી લીધી હતી. વહાણે જળ સમાધિ લીધા બાદ વાહનોનો કાટમાળ-ગાડીઓ મીરબાટ બંદર નજીક તણાઈ આવી હતી.
10 ક્રુ મેમ્બરો સાથે જુના વાહનો ભરીને રવાના થયુ
‘રાજ સાગર’ વહાણ દુબઈથી કેપ્ટન સહિત 10 ક્રુ મેમ્બરો સાથે જુના વાહનો ભરીને રવાના થયુ હતુ. ત્યાર બાદ વહાણ ડુબતા કેપ્ટન તથા અન્ય એક ક્રુ મેમ્બર મળી બે વ્યકિતના મોત નિપજ્યા હતા જ્યારે અન્ય 8 વ્યક્તિઓનો સ્થાનિક સુરક્ષા એજન્સીઓ દ્વારા રેસ્ક્યૂ કરી બચાવી લેવામાં આવ્યા હતા. તો બીજીતરફ ઓમાનના દરિયામાં ડુબી ગયેલ ‘રાજ સાગર’ વહાણ પોરબંદર ખારવા સમાજના આગેવાન ઇકુ ગગન શિયાળની માલિકીનું હતુ. જે પોરબંદરથી 6 મહિના પહેલા નિકળ્યુ હતુ અને મોટા ભાગે દુબઈથી યમન વચ્ચે માલ-સામાનનું પરિવહન કરતુ હતું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).