વડોદરામાં અભિનેતા પ્રતિક ગાંધીની શોર્ટ ફિલ્મ ‘સર્કલ’નું પરવાનગી વિના શૂટિંગ શરૂ કરતા વિવાદ, મેયરે પહોંચીને મામલો થાળે પાડ્યો, ફિલ્મ ક્રુ મેમ્બર્સ દ્વારા મીડિયાકર્મીઓ સાથે પણ કર્યો દુર્વ્યવહાર?

Face Of Nation 22-06-2022 : વડોદરા મહાનગર પાલિકાની વડી કચેરી ખંડેરાવ માર્કેટ નીચે કોઈ પણ જાતની પરવાનગી વિના વહેલી સવારથી ફિલ્મનું શૂટિંગ શરૂ કરવામાં આવતા વિવાદ થયો હતો. ફિલ્મની ટીમ દ્વારા શાકમાર્કેટમાં જવાનો ગેટ બંધ કરી દેવામાં આવતા વેપારીઓ અને શાકભાજી લેવા માટે આવતા નાના વેપારીઓ તેમજ ગ્રાહકો સાથે ઘર્ષણ થયું હતું. જોકે, ભારે વિવાદ બાદ મેયર સ્થળ પર આવી પહોંચતા અને ફિલ્મની ટીમ દ્વારા પરવાનગી માટેની જરૂરી ફી ભરી દેતા મામલો થાળે પડ્યો હતો. ફિલ્મ ક્રુ મેમ્બર્સ દ્વારા મીડિયાકર્મીઓ સાથે પણ દુર્વ્યવહાર કરવામાં આવ્યો હતો.
શાકભાજી લેવા આવતા ગ્રાહકો સાથે ઘર્ષણ
અભિનેતા પ્રતિક ગાંધી અભિનીત શોર્ટ ફિલ્મ “સર્કલ”ના શૂટિંગની ટીમ દ્વારા કોર્પોરેશનની કોઇ પણ મંજૂરી વિના વહેલી સવારે 7 કલાકે વડોદરા મહાનગર પાલિકાની વડી કચેરી ખંડેરાવ માર્કેટ ખાતે શૂટિંગ કરવા માટે પહોંચી હતી. ફિલ્મ શૂટિંગની ટીમ દ્વારા કોર્પોરેશન કચેરીની પાછળ આવેલ શાકમાર્કેટમાં જવાનો મુખ્ય ગેટ બંધ કરીને ફિલ્મનું શૂટિંગ શરૂ કરવામાં આવ્યું હતું. વહેલી સવારે શાકભાજી ખરીદવા માટે જતા નાના વેપારીઓ અને શાકભાજી લેવા માટે જતાં શહેરીજનોને ગેટમાં પ્રવેશ આપવામાં ન આવતા ઘર્ષણ થયું હતું.
મીડિયા કર્મીઓને પણ સમાચાર માટે અટકાવતા વિવાદ
કોર્પોરેશનની કચેરી ખાતે ઘર્ષણ થયું હોવાની જાણ થતાં મીડિયા કર્મીઓ સ્થળ પર પહોંચી ગયા હતા અને સમાચાર કવરેજ કરવાનું શરૂ કર્યું હતું. પરંતુ, ફિલ્મ શૂટિંગના ક્રુ મેમ્બર્સ દ્વારા મીડિયા કર્મીઓને પણ સમાચાર માટે અટકાવતા વિવાદ સર્જાયો હતો. મીડિયા કર્મીઓએ આ અંગેની જાણ મેયર કેયુર રોકડિયાને કરતા મેયર સ્થળ ઉપર દોડી આવ્યા હતા. બીજી બાજુ કોર્પોરેશનની પરવાનગી વિના શૂટિંગ કરી રહેલી ટીમ દ્વારા કોર્પોરેશનની 11 વાગે ઓફિસ શરૂ થતાંની સાથે શૂટિંગ પરવાનગી માટેની જરૂરી ફી ભરી દેતા મામલો થાળે પડ્યો હતો. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).