Face Of Nation 23-06-2022 : એનડીએના રાષ્ટ્રપતિ પદના ઉમેદવાર દ્રોપદી મુર્મૂ ગુરુવારે દિલ્હી પહોંચ્યા હતા જ્યાં તેમનું જોરદાર સ્વાગત કરાયું હતું. દ્રોપદી મુર્મૂ 24 જૂને રાષ્ટ્રપતિ પદની ઉમેદવારી નોંધાવશે. આ દરમિયાન તેમની સાથે પ્રધાનમંત્રી મોદી અને અમિત શાહ હાજર રહે તેવી શક્યતા છે. તો બીજીતરફ કેન્દ્રીય મંત્રી અર્જુન મુંડા, અર્જુન રામ મેઘવાલ અને ડોક્ટર વિરેન્દ્ર કુમાર અને ભાજપ (ભાજપ)ના નેતા મનોજ તિવારીએ દિલ્હી એરપોર્ટ પર દ્રૌપદી મુર્મૂ સાથે મુલાકાત કરી છે. તેના થોડા સમય પહેલા જ તેમણે પોતાની સાથે જોડાવા માટે અપીલ કરી હતી અને કહ્યું હતું કે, તેઓ 18મી જુલાઇ પહેલા તમામ મતદાતાઓને મળીને તેમનો ટેકો માંગશે. રાષ્ટ્રપતિની ચૂંટણી માટે 18મી જુલાઈએ મતદાન થવાનું છે.
‘પરિવારની જવાબદારી સોંપીને માતા જઈ રહ્યાં છે દેશસેવા કરવા’
દિલ્હી જતા પહેલા એક સંક્ષિપ્ત નિવેદનમાં મુર્મૂએ કહ્યું, “હું બધાનો આભાર માનું છું અને રાષ્ટ્રપતિની ચૂંટણી માટે બધાનો સહયોગ માંગું છું. હું 18મી જુલાઈ પહેલા તમામ મતદાતાઓ (સાંસદો)ને મળીશ અને તેમનો ટેકો માંગીશ. એરપોર્ટ પર તેમની એકની એક દીકરી ઇતિશ્રી મુર્મૂએ જણાવ્યું હતું કે, “દેશના લોકો મારી માતાને તેમની સાદગી અને મૃદુભાષી સ્વભાવ માટે પસંદ કરે છે. તે પરિવારની જવાબદારીઓ મને સોંપીને દેશની સેવા કરવા જઈ રહી છે. ઇતિશ્રી મુર્મુ ભુવનેશ્વરની એક બેંકમાં અધિકારી છે અને હાલ તે પોતાની બે મહિનાની પુત્રીની સંભાળ રાખવા માટે મેટરનિટી લીવ પર છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
