https://youtube.com/shorts/gRRVUxgzkmc
Face Of Nation 23-06-2022 : રાજસ્થાનમાં પાકિસ્તાન સરહદ પાસે આવેલા વિસ્તારોમાં બુધવારે રાત્રે બનેલી એક ઘટનાએ સૌને ચોંકાવી દીધા હતા. અહી આકાશમાં જોરદાર ધડાકા સાથે એક પ્રકાશ જોવા મળ્યો હોવાના કારણે સનસનાટી ફેલાઈ ગઈ હતી. જણાવવામાં આવ્યું હતું કે આ લાઈટ પાકિસ્તાન બોર્ડર તરફ જઈ રહી હતી.
બિકાનેર, ખજુવાલા અને રાવલા સુધી આ ઘટના જોવા મળી
આ ઘટના બુધવારે રાત્રે લગભગ સાડા આઠ વાગ્યે શ્રીગંગાનગરના સુરતગઢમાં બની હતી. અચાનક એક જોરદાર ધડાકા સાથે આકાશમાં પ્રકાશ દેખાયો હતો. આ રોકેટ જેવો પ્રકાશ ધીમી ગતિએ જતો જોવા મળ્યો હતો. આ દરમિયાન કેટલાક લોકોએ તેનો વીડિયો પણ બનાવ્યો હતો. સુરતગઢ ઉપરાંત બિકાનેર, ખજુવાલા અને રાવલા સુધી આ પ્રકાશ જોવા મળ્યો હતો. આશંકા છે કે તેઓ સરહદ નજીક જમીન પર પડ્યા છે. જોકે હજુ સુધી તેની પુષ્ટિ થઈ નથી. તો બીજીતરફ સ્થાનિક વહીવટીતંત્ર આ ઘટના અંગે માહિતી મેળવવામાં વ્યસ્ત છે. સૂત્રોને ટાંકીને જાણવા મળ્યું છે કે 8-10 અગનગોળાનું આ જૂથ સુરતગઢના આકાશમાંથી પસાર થયું હતું. આ લાઈટ પાકિસ્તાનના સરહદી વિસ્તાર તરફ જતી જોવા મળી હતી. આ અગનગોળા ઉલ્કાપિંડ છે કે બીજું કંઈક એની હજુ સુધી પુષ્ટિ થઈ નથી.
સુરતગઢમાં પણ ઉલ્કાપાતની ઘટના જોવા મળી હતી
23 ડિસેમ્બર 2020ના રોજ રાત્રે બિકાનેર-સુરતગઢ હાઈવે પર 6 ઉલ્કાપાતની ઘટના કેદ થઈ હતી. આકાશમાં અસંખ્ય તારાઓ વચ્ચે કેટલાક ખરતા તારા ફોટામાં કેપ્ચર થયા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
