Face Of Nation 25-06-2022 : બોલિવુડ પર ઘણા વર્ષો સુધી અંડરવર્લ્ડનું દબદબો બની રહ્યો હતો. જ્યાં બોલીવુડ અને અંડરવર્લ્ડનું નામ બંને એક જ હતું. અંડરવર્લ્ડના ઈશારા પર બોલિવુડમાં ફિલ્મો, હીરો અને હિરોઈન બનતા. એ સમયે ખાસ કરીને હિરોઈનનું ભવિષ્ય અંડરવર્લ્ડના હાથ પર હતું. એવા ઘણા કિસ્સા સામે આવ્યા હતા જ્યાં કોઈ સારી એવી એક્ટ્રેસનું નામ અંડરવર્લ્ડ સાથે જોડાઈ ગયું હોવાને કારણે એમનું આખું કરિયર બરબાદ થઇ ગયું હતું. આજે પણ ઘણી વખત લોકો એ સમય વિશે વાત કરે છે. એક્ટ્રેસ સોનાલી બેન્દ્રેએ બોલીવુડ અને અંડરવર્લ્ડના એ સમયના કનેક્શન વિશે ચુપ્પી તોડી અને લોકો સામે ખુલીને વાત કરી હતી.
અંડરવર્લ્ડનો બોલિવુડ પર કેવો દબદબો હતો
બોલીવુડને જાણીતી એભિનેત્રી સોનાલી બેન્દ્રેએ હાલ જ “ધ રણવીર સિંહ પોડકાસ્ટ” સાથે વાત કરતા બોલિવુડ અને અંડરવર્લ્ડના કનેક્શન વિશે ઘણા રાજ ખોલ્યા હતા અને આ સાથે જ અંડરવર્લ્ડનો બોલિવુડ પર કેવો દબદબો હતો એ વિશે પણ ખુલીને વાત કરી હતી. સોનાલી બેન્દ્રેએ 90ના દાયકાની વાત કરતા કહ્યું હતું ‘ એક સમય એવો હતો જયારે ફિલ્મમાં મુખ્ય અભિનેત્રી તરીકે પસંદ કરવામાં આવી હતી અને અચાનક જ મારા જાણ બહાર એ રોલ કોઈ બીજી અભિનેત્રીને આપી દેવામાં આવ્યો હતો, કારણ કે એમને કોઈ એ કોલ કર્યો હતો. એ પછી મારા નિર્દેશક કે કો-એક્ટર મને ફોન કરીને કહેતા કે એમને બીજી અભિનેત્રીને આ રોલ આપવા માટે દબાવ બનાવવામાં આવ્યો હતો. એ સમયે હું સમજતી હતી કે આ બધું શું થઇ રહ્યું છે પણ કોઈ કશું કરી શકતા નહતા.
ફિલ્મોમાં લાગતા અંડરવર્લ્ડના પૈસા
આ સાથે જ સોનાલી બેન્દ્રેએ બીજી ઘણી આપવીતી સંભળાવી હતી અને આગળ વાત-વાતમાં કહ્યું હતું કે ફક્ત અભિનેત્રી કે અભિનેતાનું જ ભવિષ્ય નહીં પણ ફિલ્મોનું ભવિષ્ય પણ અંડરવર્લ્ડના હાથમાં હતું. એ સમયે મને ઘણા એવા સુત્રો પાસેથી જાણવા મળતું કે અન્ડરવર્લ્ડના ઘણા લોકો ફિલ્મોમાં પૈસા લગાવે છે પણ આ ઇન્ડસ્ટ્રીની વધુ સમજ એમને નહોતી એટલે કશું કામ બરાબર રીતે ન થતું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
