Face Of Nation 28-06-2022 : અમદાવાદ સહિત રાજ્યભરમાં કોરોનાના કેસ ફરીથી વધી રહ્યા છે. હવે સ્કૂલમાં પણ કોરોનાની એન્ટ્રી થઈ ચૂકી છે. ઉદગમ સ્કૂલમાં 9 વિદ્યાર્થી સંક્રમિત થયાં છે. છતાં શિક્ષણ વિભાગ દ્વારા કોઈ નિયમોના પાલન માટે ઢીલ મૂકવામાં આવી છે. રાજ્યની કોઈ પણ સ્કૂલમાં અત્યારે માસ્ક, સોશિયલ ડિસ્ટન્ટસ સહિત કોરોના ગાઈડલાઈન્સનું પાલન કરાવવામાં શિક્ષણ વિભાગને રસ નથી. સતત વધતા કેસથી હજુ સ્કૂલમાં બાળકો સંક્રમિત થઈ શકે છે, પરંતુ શિક્ષણ વિભાગને કોઈ ચિંતા નથી.
સ્કૂલમાં ચેકિંગ કે નિયમ પાલન માટે પગલાં નથી લેવાતા
રાજ્યમાં કોરોનાના કેસ 400ને પાર પહોંચ્યા છે, ત્યારે હવે સ્કૂલોમાં ભણતા બાળકો કોરોનાથી સંક્રમિત થવા લાગ્યા છે. અમદાવાદની ઉદગમ સ્કૂલમાં 9 બાળકોને કોરોના થયો હતો. 9 બાળકો એક સાથે સંક્રમિત થયા છતાં શિક્ષણ વિભાગ દ્વારા સ્કૂલોમાં કોઈ કડક પગલાં લેવા કે નિયમ પાલન કરાવવા કોઈ રસ નથી. સ્કૂલ કે કોલેજમાં અત્યારે માસ્ક કે અન્ય કોઈ નિયમોનું પણ પાલન થતું નથી. છતાં સ્કૂલોમાં કોઈ ચેકિંગ કે નિયમ પાલન ન કરવા બદલ કોઈ પગલાં લેવામાં આવતા નથી.
વાલી અને સ્કૂલો શિક્ષણ વિભાગ કરતા વધુ જાગૃત
શિક્ષણ વિભાગ ભલે નીરસ હોય પરંતુ વાલી અને સ્કૂલો શિક્ષણ વિભાગ કરતા વધુ જાગૃત છે. અનેક સ્કૂલોએ વાલીઓને બાળક બીમાર હોય કે કોઈ લક્ષણ જણાય તો સ્કૂલે ના મોકલવા સૂચના આપી છે અને કેટલાક વાલી તેનું પાલન પણ કરે છે. વાલીઓને પણ હવે ડર છે કે કેસ વધતા તેમનું બાળક કોરોનાથી ઝપટમાં ના આવી જાય. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
