મહારાષ્ટ્રમાં નવી સરકાર; શિંદે એકલા આવશે આજે મુંબઈ, બાકીના ધારાસભ્યો હાજરી આપશે સીધા શપથ ગ્રહણમાં, ફ્લોર ટેસ્ટ નહીં થાય!

Face Of Nation 30-06-2022 : મહારાષ્ટ્રમાં લગભગ બે અઠવાડિયા પહેલા શરૂ થયેલી રાજકીય ઉથલપાથલ હવે સમાપ્ત થવાના આરે છે. શિવસેના સત્તાથી બહાર થઈ ગયું છે અને ભાજપે સરકાર બનાવવા માટે બેઠકો શરૂ કરી દીધી છે. પૂર્વ મુખ્યમંત્રી દેવેન્દ્ર ફડણવીસના ઘરે પણ બેઠક ચાલી રહી છે. જણાવવામાં આવી રહ્યું છે કે આ બેઠક બાદ ફડણવીસ અને એકનાથ શિંદે વચ્ચે પણ બેઠક થઈ શકે છે, જેમાં મંત્રી પદો અને સરકારના સંભવિત ચિત્ર પર ચર્ચા થશે. તો બીજીતરફ એકનાથ શિંદે આજે મુંબઈ આવી રહ્યા છે, પરંતુ બાકીના ધારાસભ્યો સીધા શપથ ગ્રહણમાં હાજરી આપશે. તે બધા આજે મુંબઈ આવવાના હતા, પરંતુ ફ્લોર ટેસ્ટ નહીં થવાના કારણે આ કાર્યક્રમ મોકૂફ રાખવામાં આવ્યો હતો.
ભાજપમાં જશ્નનો માહોલ
તો આ તરફ ઉદ્ધવના રાજીનામાની જાહેરાતની સાથે જ ભાજપના ધારાસભ્યો ઉત્સવના મૂડમાં જોવા મળ્યા. તાજ હોટલમાં ચાલી રહેલી ભાજપના ધારાસભ્યોની બેઠકમાં ‘વંદે માતરમ’ના નારા લાગ્યા અને કેટલાંક ધારાસભ્યોએ દેવેન્દ્ર ફડણવીસને મિઠાઈ ખવડાવીને મહાવિકાસ અઘાડી સરકાર પડી ગઈ હોવાથી જશ્ન મનાવ્યો. બેઠક પૂર્ણ થયા બાદ ફડણવીસ હોટલમાંથી બહાર નીકળ્યા. જો કે તેમને મીડિયા સાથે કોઈ વાતચીત કરી ન હતી.
ભાજપે શિંદે જૂથને ડેપ્યુટી CM અને મંત્રીપદની ઓફર
સૂત્રો દ્વારા મળતી માહિતી મુજબ શિંદે જૂથ અને ભાજપ વચ્ચે સરકાર બનાવવા પર મંથન ચાલી રહ્યું છે. ભાજપે શિંદે જૂથને 8 કેબિનેટ અને 5 રાજ્ય મંત્રીની ઓફર આપી છે. ડેપ્યુટી CM માટે એકનાથ શિંદેનું નામ સુચવવામાં આવ્યું છે. ગુલાબરાવ પાટિલ, શંભુરાજ દેસાઈ, સંજય શિરસાટ, દીપક કેસરકર, ઉદય સામંતને મંત્રી બનાવવામાં આવી શકે છે.
બળવાખોર ધારાસભ્યો ગોવા પહોંચ્યા
બળવાખોર ધારાસભ્યો બુધવારે મોડી રાત્રે ગોવા પહોંચ્યા. તેઓ સાંજે જ ગુવાહાટીથી ચાર્ટર્ડ પ્લેનથી ગોવા નીકળ્યા હતા. તેઓ રેડિસન બ્લૂ હોટલથી ચાર ચાર્ટર્ડ બસથી એરપોર્ટ ગયા હતા અને રસ્તામાં તેઓએ વિક્ટ્રી સાઈન પણ દેખાડી. એકનાથ શિંદે સવારે તમામ ધારાસભ્યોની સાથે કામાખ્યા દેવી મંદિરમાં દર્શન કરવા પહોંચ્યા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).