Face Of Nation:કૉંગ્રેસના નેતા અહમદ પટેલે કહ્યું શીલા દીક્ષિતના પાર્થિવ શરીરને તેમના ઘરે લઈ જવામાં આવશે અને કાલે સવારે AICCમાં અંતિમ દર્શન માટે રાખવામાં આવશે અને ત્યારબાદ નિગમબોધ ઘાટ પર અંતિમ સંસ્કાર થશે. રવિવારે 2.30 નિગમ બોધ ઘાટમાં શીલા દીક્ષિતના અંતિમ સંસ્કાર થશે. આજે સાંજે 6 વાગ્યે તેમના પાર્થિવ શરીરને નિઝામુદ્દીન સ્થિત તેમના નિવાસ સ્થાને અંતિમ દર્શન માટે રાખવામાં આવશે.
કૉંગ્રેસના વરિષ્ઠ નેતા અહમદ પટેલ ફોર્ટિસ-એસ્કોર્ટ હોસ્પિટલ પહોંચ્યા. શીલા દીક્ષિતને એજ હોસ્પિટલમાં આજે બપોરે 3 વાગ્યાને 55 મિનિટ પર અંતિમ શ્વાસ લીધા હતા.પીએમ મોદીએ શીલા દીક્ષિતના નિધન પર શોક વ્યક્ત કર્યો હતો. તેમણે તસવીર સાથે ટ્વીટ કરતા કહ્યું, ‘શીલા દીક્ષિતજીના નિધન પર ખૂબ જ દુખ થયું. દિલ્હીના વિકાસમાં તેમનું ખૂબ જ મોટું યોગદાન રહ્યું.’
