https://youtu.be/_vIwFWH-elM
Face Of Nation 05-07-2022 : ટેલર કનૈયાલાલા અને ઉમેશ કોલ્હેની હત્યાનો મુદ્દો હજી શાંત નથી થયો અને હવે અજમેરથી વધુ એક વિવાદિત વીડિયો વાયરલ થયો છે. આ વીડિયો દરગાહના ખાદિમ સલમાન ચિશ્તીનો છે. આ વીડિયોમાં ખાદીમ સલમાન ચિશ્તી ભારતીય જનતા પાર્ટી (ભાજપ)ના પૂર્વ પ્રવક્તા નૂપુર શર્મા માટે વિવાદિત નિવેદન આપ્યું છે. વાયરલ વીડિયોમાં હજરત ખ્વાજા મોઈનુદ્દીન હસન ચિશ્તીની દરગાહના એક ખાદિમ કહી રહ્યા છે કે, જે નૂપુર શર્માનું ગળુ કાપીને લઈ આવશે અને તેને તે પોતાનું મકાન આપી દેશે. અજમેર પોલીસે વીડિયોને આધાર બનાવીને ખાદિમની સામે ફરિયાદ નોંધી લીધી છે.
વીડિયોમાં માથુ કાપવાની વાત
વાયરલ વીડિયોમાં દેખાતો માણસ દરગાહનો ખાદિમ છે અને સાથે સાથે દરગાહ પોલીસ સ્ટેશનનો હિસ્ટ્રીશીટર પણ છે. તેના પર વિવાદ કેસ નોંધાયેલા છે. તેણે પોતાનું નામ સલમાન ગણાવ્યું છે. વીડિયોમાં આ વ્યક્તિ રોતા રોતા કહે છે કે, સમય હવે પહેલા જેવો નથી રહ્યો, નહીં તો હું ના બોલતો. તેમના વડિલોના સોગંધ ખઈને સલમાન કહે છે કે, મને મારી માના સોગંધ હું એને જાહેરમાં ગોળી મારી દેત, મને મારા બાળકોના સમ હું એને ગોળી મારી દેત અને આજે પણ છાતી ઠોકીને કહું છું કે, જે પણ નૂપુર શર્માનું ગળું કાપીને લઈને આવશે એને મારું ઘર આપીને હું રસ્તા પર આવી જઈએ. આ સલમાનનો વાયદો છે.
ખાદિમ ગૌહર ચિશ્તીએ ભડકાઉ ભાષણ આપ્યું
વીડિયોમાં આગળ તેણે પોતાને તેમના ખ્વાજાના સાચા સિપાહી ગણાવીને કહ્યું છે કે, હું આજે પણ ચીરવાની તાકાત રાખું છું. વાયરલ વીડિયોમાં સલમાન મુસ્લિમોને ઉશ્કેરવાની વાતો કરી રહ્યો છે. નોંધનીય છે કે, 17મી જૂને ગરીબ નવાઝની દરગાહમાંથી બહાર કાઢવામાં આવેલા મૌન સરઘસમાં દરગાહના ખાદિમ ગૌહર ચિશ્તીએ ભડકાઉ ભાષણ આપ્યું હતું. નારેબાજી પણ કરી હતી કે, ગુસ્તાખ-એ-રસૂલની આ જ સજા છે, માથું ધડથી અલગ, માથું ધડથી અલગ. ત્યારપછી ઉદયપુરમાં કનૈયાલાલની હત્યા કરવામાં આવી હતી.
કાશ્મીરમાં છે સલમાનનું લોકેશન
વીડિયો વાયરલ થયા પછી સલમાન ચિશ્તી વિરુદ્ધ અજમેર શહેરના અલવર ગેટ પોલીસ સ્ટેશનમાં ફરિયાદ નોંધવામાં આવી છે. એએસપી વિકાસ સાંગવાને જણાવ્યું કે, સલમાન ચિશ્તી સામે ફરિયાદ નોંધી લેવામાં આવી છે અને તેને શોધવામાં આવી રહ્યો છે. માનવામાં આવે છે કે, હાલ સલમાન ચિશ્તીનું લોકેશન કાશ્મીરનું દેખાડે છે. બીજી બાજુ પોલીસે આ પ્રમાણેનો વીડિયો વાયરલ થયા પછી કડક પગલાં લેવાનો નિર્ણય કર્યો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
