છોકરીની હિંમ્મતની પ્રશંસા; ખુલ્લેઆમ છોકરીને કિસ કરવાની કોશિશ, સ્ટુડન્ટે છેડતી કરનાર યુવકને ચંપલ-થપ્પડો મારી ફટકાર્યો; ભાગ્યો તો પીછો કરીને પકડ્યો!

Face Of Nation 08-07-2022 : રાજસ્થાનના ઉદયપુરમાં એક વ્યક્તિને કોલેજ સ્ટુડન્ટ્સની છેડતી કરવાનુ ભારે પડ્યું છે. કોલેજમાં અભ્યાસ કરતી આ છોકરીએ રસ્તાની વચ્ચે આરોપીની જોરદાર ધોલાઈ કરી હતી. આ ઘટનાનો વીડિયો બહાર આવ્યા પછી છોકરીની હિંમ્મતની પ્રશંસા થઈ રહી છે. આ ઘટના અંગે પોલીસમાં કોઈ જ ફરિયાદ નોંધવવામાં આવી નથી. છોકરી તેને મારતી રહી હતી.
છેડતી કરીને તેને કિસ કરવાની કોશિશ કરી
શહેરના સૂરજપોલ વિસ્તારની હોવાનું કહેવાઈ રહ્યું છે. એક સ્ટુડન્ટ્સે આધેડને અચાનક જ મારવાનું શરૂ કર્યું હતું. પહેલા તો લોકોને કઈ જ સમજાયું નહિ પરંતુ જ્યારે છોકરીને લોકોએ કારણ પૂછ્યું તો તેનું કહેવું હતું કે- તે કોલેજથી પરત આવી રહી હતી. આરોપીએ તેની સાથે છેડતી કરીને તેને કિસ કરવાની કોશિશ કરી હતી.
છેડતી કરનારને થપ્પડો-ચપ્પલથી મારતી
છોકરીએ વાંધો ઉઠાવ્યો તો તે ડરનો માર્યો ભાગી ગયો, જોકે છોકરીએ તેનો પીછો કરીને નગર નિગમના પાછળના રસ્તા પરથી તેને પકડી પાડ્યો અને તેને મારવા લાગી હતી. છોકરીએ મારવાનું શરૂ કરતા થોડવારમાં જ મોટી સંખ્યામાં લોકો ભેગા થઈ ગયા હતા. જોકે કોઈએ પણ તેની મદદ કરી નહોતી. લોકોએ આરોપીને પણ પૂછ્યું કે તે કોણ છે પરંતુ તે જવાબ આપી શક્યો નહોતો. આ દરમિયાન સ્ટુડન્ટ્સે આધેડને મારવા ઉપરાંત તેની પાસે માંફી પણ મંગાવી હતી. એમ કહેવાઈ રહ્યું છે કે આ વ્યક્તિ દારૂના નશામાં હતો. છોકરી લગભગ દસ મિનિટ સુધી છેડતી કરનારને થપ્પડો અને ચપ્પલથી મારતી રહી હતી. જોકે ઘટના સ્થળે હાજર લોકોએ છોકરીની મદદ તો ન કરી પરંતુ તેનો વીડિયો બનાવ્યો હતો. આ દરમિયાન લોકોએ આ આધેડને પોલીસના હવાલે કરવાની વાત પણ કરી હતી.
હાથ અને પગ પકડીને માંફી માંગવા પણ કહ્યું
આ દરમિયાન સ્ટુડન્ટ્સે આ વ્યક્તિને હાથ અને પગ પકડીને માંફી માંગવા પણ કહ્યું હતું. સાથે જ તે વ્યક્તિને ચેતવણી આપતા કહ્યું કે તે બીજી વખત આવું ન કરે. માંફી મંગાવ્યા પછી ફરિયાદ નોંધાવ્યા વગર જ છોકરી ત્યાંથી જતી રહી હતી. હાલ પોલીસ સ્ટેશનમાં આ બાબતે કોઈ જ ગુનો નોંધાયો નથી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1  ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).