Face Of Nation:મુંબઈના બાંદ્રાથી એક ચોંકાવનારી ઘટના સામે આવી છે. બાંદ્રા ખાતે આવેલ મહાનગર ટેલિફોન નિગમ લિમિટેડ(એમટીએનએલ) બિલ્ડીંગમાં સોમવારે અચાનક ભયંકર આગ લાગી છે. બચાવ કામગીરી માટે ફાયર બ્રિગેડની 4 ગાડીઓ ઘટના સ્થળે પહોંચી છે અને ટીમ આગને નિયંત્રણમાં લેવાની કામગીરી કરી રહી છે. જોકે રાહતની વાત એ છે કે અત્યાર સુધી કોઈ જાનહાનિના સમાચાર સામે આવ્યા નથી. રેસ્ક્યૂ કામ ચાલુ છે. હાલ ઘટનાની વિસ્તૃત માહિતીની રાહ જોવામાં આવી રહી છે. પ્રાપ્ત માહિતી મુજબ જે બિલ્ડીંગમાં આગ લાગી છે તે ઇમારત પર લગભગ 100 લોકો ફસાયા છે. જેમને રેસ્ક્યૂ કરવાનું કામ ચાલી રહ્યું છે. આપને જણાવી દઈએ કે આ પહેલા પણ મુંબઈના તાજમહેલ અને ડિપ્લોમેટ હોટલ પાસે ચર્ચિલ ચેમ્બર બિલ્ડિંગમાં આગ લાગી હતી.
