Face Of Nation 02-08-2022 : સલમાન ખાને હાલમાં જ ગન લાઇસન્સ માટે અરજી કરી હતી. ઉલ્લેખનીય છે કે જૂન મહિનામાં સલમાનના પિતા સલીમ ખાનને ધમકી મળી હતી. ત્યારબાદથી સલમાન ખાન પોતાની સુરક્ષા અંગે ઘણો જ ચિતિંત છે. સલમાનને 2018માં પણ કેનેડા બેઝ્ડ ગેંગસ્ટર ગોલ્ડી બ્રારે ધમકી આપી હતી. તો બીજીતરફ સૂત્રોના જણાવ્યા પ્રમાણે, સલમાન જાતે લાઇસન્સ લેવા નહોતો ગયો, પરંતુ તેનો એક માણસ પોલીસ હેડ ક્વાર્ટ્સમાંથી લાઇસન્સ લઈ આવ્યો હતો.
સલમાન ખાનને ગન લાઇસન્સ મળ્યું
સલમાન ખાનને જાનથી મારી નાખવાની ધમકી મળ્યા બાદ સેલ્ફ પ્રોટેક્શન માટે ગન લાઇસન્સ મળી ગયું છે. આટલું જ નહીં સલમાન ખાને પોતાની લેન્ડ ક્રૂઝર કારને અપડેટ કરીને બુલેટપ્રૂફ બનાવી છે. રિપોર્ટમાં સીનિયર IPS અધિકારીએ એ વાત સ્વીકારી છે કે લાઇસન્સની પ્રિન્ટ નીકળી ગઈ છે અને પ્રોસિજર પ્રમાણે ઝોન 9ના ડેપ્યૂટી કમિશ્નર ઓફ પોલીસ પાસે વેરિફિકેશન માટે ફાઇલ મોકલવામાં આવી હતી. ક્રિમિનલ રેકોર્ડ ચેક કર્યા બાદ હેડક્વાર્ટ્સે આ ફાઇલ ક્લિયર કરી દીધી હતી. તો બીજીતરફ સલમાનના અપકમિંગ પ્રોજેક્ટની વાત કરીએ તો સલમાન હાલમાં ‘કભી ઇદ કભી દિવાલી’નું શૂટિંગ કરી રહ્યો છે. આ ફિલ્મને મનીષ શર્મા ડિરેક્ટ કરે છે અને ફિલ્મ આવતા વર્ષે 21 એપ્રિલે રિલીઝ થશે. આ ઉપરાંત સલમાન ખાન ‘ગોડફાધર’, ‘વેદ’, ‘નો એન્ટ્રી મેં એન્ટ્રી’માં જોવા મળશે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
