Face Of Nation:સુરત મહિધરપુરા વિસ્તારમાં આવેલા પેરિસ પ્લાઝામાં આવેલી ઓમ ઈલેક્ટ્રોનિકની બંધ દુકાનમાં અચાનક મોડી રાત્રે આગ ફાટી નીકળી હતી. ઘટનાની જાણ થતા ફાયર વિભાગનીચાર ફાયર ફાઈટર ઘટના સ્થળે દોડી ગઈ હતી. દુકાનમાં ઈલેક્ટ્રોનિકનો સામાન હોવાથી આગ ઝડપભેર પ્રસરી ગઈ હતી. અને દુકાન બંધ હોવાથી ફાયર વિભાગે ભારે જહેમત ઉઠાવવી પડી હતી. અને પાણીનો મારો ચલાવી આગ પર કાબુ મેળવી લીધો હતો. આગની ઘટનાના પગલે મોટી સંખ્યામાં લોકો પહોંચી ગયા હતા. જેથી મહિધરપુરા પોલીસ પર ઘટના સ્થળે દોડી આવી હતી.અને લોકોના ટોળાને દૂર કર્યા હતા.આગ લાગવા પાછળનું ચોક્કસ કારણ હજુ સામે આવ્યું નથી. જોકે, શોર્ટ સર્કિટથી આગ લાગી હોવાની શક્યતાઓ સેવવામાં આવી રહી છે.
