Face Of Nation:સુરત ધ ઈન્સ્ટીટ્યુટ ઓફ કંપની સેક્રેટરીઝ ઓફ ઈન્ડિયા દ્વારા જૂન 2019માં લેવાયેલી ફાઉન્ડેશન પરિક્ષાના પરિણામ જાહેર થયા છે. જેમાં સુરતની કૃતિકાએ દેશભરમાં સાતમો ક્રમ મેળવીને ઝળહળતી સફળતા મેળવી છે. સુરતમાંથી કુલ 195 વિદ્યાર્થીઓએ પરીક્ષા આપી હતી જેમાં 120 પાસ થયા છે.
શહેરમાં પરવત પાટીયા ખાતે રહેતી કૃતિકાએ જણાવ્યું હતું કે, ચાર વિષયમાંથી લો નવો વિષય હોવાથી હાર્ડ લાગ્યો હતો. ઘરે રિવાઈઝ કરવાની સાથે સાથે કન્ટેન્ટને વધારે વાંચતી જેથી એમસીક્યુ સોલ્વ કરવામાં મદદ થતી હતી. એમસીક્યુ વધારે સોલ્વ કરવાની પ્રેક્ટિસ પણ ઘણી લાભકારક નિવડી.શરૂઆતમાં ઓછી મહેનત હતી પરંતુ વર્ષા અંતે છથી આઠ કલાકનું વાંચન કર્યું હોવાનું તેણીએ વધુમાં ઉમેર્યું હતું.મૂળ રાજસ્થાની પરિવારની પણ સુરતમાં જ જન્મેલી કૃતિકાએ જણાવ્યુંહતું કે, પિતા કાપડના વ્યવસાથ સાથે સંકળાયેલા છે. અમારૂ સંયુક્ત પરિવાર છે. દાદા-દાદી અને મોટા પપ્પા સહિતના સભ્યો સાથે રહું છું. આ સફળતાનો શ્રેય શિક્ષકો સહિત પરિવારને પણ એટલો જ છે તેમના મોરલ સપોર્ટના કારણે જ આજે સ્થાન મેળવી શકી છું.
