Face Of Nation:વિસનગર શહેરના બાજી પટેલની વ્હોરવાડથી નવાવાસ તરફ જવાના રસ્તા ઉપર આવેલ લોખંડનો દરવાજો શુક્રવારના રોજ ટોળાએ ઘુસી આવી તોડી નાંખતાં તંગદિલી વ્યાપી જવા પામી હતી. પરિસ્થિતિ વણસે નહી તે માટે સ્થાનિક પોલીસ સહિત એલસીબી ઘટના સ્થળે દોડી આવી મામલો કાબુમાં લીધો હતો. આ બનાવ અંગે પોલીસે અજાણ્યા લઘુમતી કોમના 100 માણસોના ટોળા સામે ગુનો દાખલ કરી તપાસ હાથ ધરી છે. 2002ના તોફાન વખતથી આ દરવાજો બંધ હતો.નવાવાસથી બાજી પટેલની વ્હોરવાડ તરફ જવા માટે લોખંડનો દરવાજો મુકેલ છે જે દરવાજા થઇ અવરજવર કરવા માટે તકરાર ચાલે છે. 2002ના તોફાન થતાં પોલીસ મથકે ફરિયાદ નોંધાઇ હતી ત્યારથી તે બંધ હતો.
