Face Of Nation:રાજ્યપાલ મલિકે સોમવારે કાશ્મીર ખીણમાં હિંસાના અહેવાલો વિશે બોલનાર રાહુલ ગાંધીની ટીપ્પણી કરતા કહ્યું હતું કે ‘તમે એક જવાબદાર વ્યક્તિ છો અને તમારે આવું બોલવું ન જોઈએ.’ મલિકે રોષ ઠાલવતા આ અંગે વધુ એક ટિપ્પણી કરી હતી અને રાહુલ ગાંધીને ખીણમાં પહોંચાડવા વિમાન મોકલવાની ઓફર કરી હતી.
મલિકે સોમવારે ઘોષણા કરી હતી કે“મેં રાહુલ ગાંધીને અહીં આવવાનું આમંત્રણ આપ્યું છે. પરિસ્થિતિ નિરીક્ષણ કરવા અને પછી બોલવા માટે હું તેમને વિમાન મોકલીશ.જવાબમાં ગાંધીએ ટિ્વટ કર્યું કે, “અમને વિમાનની જરૂર નથી, પરંતુ કૃપા કરીને અમને મુસાફરી કરવાની અને મુખ્ય ધારાના લોકોને, ત્યાં આવેલા નેતાઓ અને અમારા સૈનિકોને મળવાની સ્વતંત્રતા માટે ખાતરી આપો .5 ઓગસ્ટના શરૂઆતી તબકકાથી કાશ્મીરમાં અસંતોષ વધ્યો છે, જે દરમિયાન ફોન અને ઇન્ટરનેટ લાઇન બંધ કરવામાં આવી હતી અને લોકોની ગતિવિધિ પર પ્રતિબંધો હતો.જેણે ખળભળાટ મચાવ્યો હતો , અને ખીણમાં સુરક્ષા દળો દ્વારા કરવામાં આવેલી હિંસા અને બદલો લેવાની અફવાઓ અને એકલતાના અહેવાલો ઉભા થયા હતા , પરંતુ તે બધાને સરકાર દ્વારા નકારી કાઢવામાં આવ્યા છે.
