Face Of Nation:મુખ્ય મંત્રી વિજય રૂપાણીએ છોટાઉદેપુર ખાતે 73માં સ્વાતંત્ર્યદિન નિમીતે ધ્વજવંદન કર્યુ હતું. તેમણે રાજ્ય કક્ષાના ધ્વજ વંદનના કાર્યક્રમમાં ગુજરાતની ઉપલબ્ધીઓ ગણાવી હતી. તેમણે ટાંક્યું હતું કે અનેક ક્ષેત્રોમાં ગુજરાત દેશમાં નંબર-1 છે. તેમણે આ તકે રાજ્યના નાગરિકોને શુભેચ્છા પાઠવી હતી. સી.એમ.રૂપાણીએ કહ્યું હતું કે નર્મદા યોજના પૂરી થયા બાદ પહેલી વાર સરદાર સરોવર ભરાયો અને નર્મદા યોજનામાં રોડા નાખનારા લોકોના હાથ પણ હેઠા થયા. રાજ્યની પ્રગતિ આવી રીતે જ સતત થતી રહેશે.
