Face Of Nation:આમ આદમી પાર્ટીના બળવાખોર ધારાસભ્ય કપિલ મિશ્રા આજે ભારતીય જનતા પાર્ટીમાં સામેલ થયા હતા. કપિલ મિશ્રા દિલ્હી ભાજપ અધ્યક્ષ મનોજ તિવારી અને વિજય ગોયલની હાજરીમાં કેસરીયો ખેસ ધારણ કર્યો હતો.કપિલ મિશ્રાએ આ પહેલા ટ્વિટ કરી જણાવ્યું હતું કે તેઓ આવતીકાલે ભાજપમાં સામેલ થશે. નોંધનીય છે કે કેટલાક દિવસો અગાઉ જ કપિલ મિશ્રાની વિધાનસભાનું સભ્યપદ રદ કરી દીધું હતું. ઉલ્લેખનીય છે કે દિલ્હી વિધાનસભા અધ્યક્ષ રામનિવાસ ગોયલે કપિલ મિશ્રા વિરુદ્ધ શિસ્તબદ્ધની કાર્યવાહી કરતા તેમને ગેરલાયક ઠેરવતા સદસ્યતા રદ કરી દીધી હતી.
