Face Of Nation:શ્રીનગર પાકિસ્તાને મંગળવારે જમ્મુ-કાશ્મીરના પૂંચમાં એલઓસી પર યુદ્ધવિરામનું ઉલ્લંઘન કર્યું હતું. ભારતીય સેનાએ કૃષ્ણ વેલી સેક્ટરમાં થયેલા આ ફાયરિંગનો જવાબ આપ્યો હતો..અધિકારીઓના કેહવા પ્રમાણે આ કાર્યવાહીમાં ભારતીય સૈન્યના યુવા હીરો રવિ રંજન કુમાર સિંહનું મોત નીપજ્યું હતું. તદુઉપરાંત અન્ય ચાર સૈનિકો ઘાયલ થયા હતા.
ગત શનિવારે, પાકિસ્તાની સેનાએ રાજૌરીના નૌશેરા સેક્ટરમાં યુદ્ધવિરામનું ઉલ્લંઘન કર્યું હતું. આ ફાયરિંગમાં સેનાનો લાન્સ નાઇક સંદીપ થાપા (35) શહીદ થયો હતો. આ પછી, ભારતીય સેનાએ યોગ્ય જવાબ આપ્યો હતો અને એક પાકિસ્તાની ચોકી ઉડાવી દીધી હતી. પાકિસ્તાને પહેલાથી જ સ્વીકાર્યું હતું કે એલઓસી પર તેના પાંચ સૈનિકો માર્યા ગયા છે.
