Face Of Nation : અંબાજી દર્શન કરીને પરત ફરી રહેલી બસ પલ્ટી ખાતા આશરે 21થી વધુ લોકોએ જીવ ગુમાવ્યો છે. આ ઘટનાને પગલે ઠેર ઠેર લોકોમાં દુઃખની લાગણી જોવા મળી રહી છે ત્યારે મૃતકોને શ્રદ્ધાંજલિના ભાગરૂપે અંબાજીના ચાચરચોકમાં ગરબા નહીં યોજવાનો નિર્ણય લેવામાં આવ્યો છે. આજે મૃતકોને શ્રદ્ધાંજલિ આપવા માટે માં અંબાની આરતી બાદ મૌન પાળવામાં આવશે અને ગરબાનો કાર્યક્રમ રદ જાહેર કરવામાં આવ્યો છે.આરાસુરી અંબાજી માતા દેવસ્થાન ટ્રસ્ટ અને શ્રી નવયુવક પ્રગતિ મંડળ દ્વારા આ નિર્ણય લેવામાં આવ્યો છે.
