Face Of Nation, Gandhinagar : બનાસકાંઠામાં તીડનું આક્રમણ દિવસેને દિવસે વધી રહ્યું છે. તીડના આતંકથી ખેડુતો અને સ્થાનિકો પણ મુશ્કેલીમાં મુકાયા છે. તીડમાં થતા સતત વધારાના કારણે વાવેતરમાં મોટી નુકસાન થઇ રહ્યું છે. તીડને રોકવા માટે તંત્ર અને સ્થાનિકો દ્વારા અલગ-અલગ નુસખાઓ અપનાવવામાં આવી રહ્યા છે. પાકિસ્તાનથી કચ્છના સરહદી તાલુકાઓ અબડાસા, લખપત અને ખાવડા સહિતના પંથકમાં તીડનું આક્રમણ થયું છે. ગામોમાં રણ તીડના ટોળા જોઇ ખેડૂતોમાં ફફડાટ ફેલાયો છે. સ્થાનિકોને તીડને રોકવા માટે ધુમાડો, ઢોલ વગાડવા તેમજ પાકના રક્ષણ માટે રાસાયણિક દવાઓ છંટકાવ કરવાની સલાહ આપવામાં આવી છે.તીડને લઈને કેટલાક લોકો રમુજી વિડીયો અને કટાક્ષ પણ કરી રહ્યા છે ત્યારે એક વિડીયો અહીં રજૂ કરવામાં આવ્યો છે.
સરકારનો તીડોત્સવ હોય તેમ નેતાઓ થાળીઓ અને વેલણ લઈને ખેતરમાં ઉતર્યા, જુઓ જીતુ વાઘાણીનો આ વિડીયો
