ફેસ ઓફ નેશન, 14-04-2020 : સમગ્ર દેશમાં લોકડાઉન છે. લોકો જુદા જુદા પ્રયાસો કરીને સમય પસાર કરવાના પેંતરા અજમાવી રહ્યા છે. અમદાવાદના નિર્ણયનગરમાં સાત જેટલા લોકો જુગાર રમતા રંગે હાથ ઝડપાઇ ગયા હતા. વાડજ પોલીસે આ તમામની ધરપકડ કરીને ગુનો દાખલ કર્યો છે.
નિર્ણયનગરમાં આવેલા રતનજ્યોત કોમ્પ્લેક્સમાં કેટલાક લોકો જુગાર રમી રહ્યા હોવાની માહિતી પોલીસને મળી હતી. આ માહિતીને આધારે પોલીસે રેડ કરતા સ્થળ ઉપર 7 જણા જુગાર રમી રહ્યા હતા. જેથી પોલીસે કોર્ડન કરીને તમામને ઝડપી લીધા હતા. ઝડપાયેલા લોકોમાં રશ્મિકાન્ત વ્યાસ, કાર્તિક ઠક્કર, જીતેન્દ્રભાઈ ખત્રી, બળદેવભાઈ મિસ્ત્રી, ધરમભાઇ ચૌહાણ, અલ્પેશ રાવલ અને વિશાલ પટેલનો સમાવેશ થાય છે. પોલીસે આ તમામ લોકો પાસેથી કુલ 23,920 જેટલી રકમ મુદ્દામાલ તરીકે ગણીને કબ્જે લીધી હતી. (સતત સમાચારોની અપડેટ મેળવવા 9328282571 નંબર આપના વોટ્સએપ ગ્રુપોમાં એડ કરો. આપની આસપાસ બનતી ઘટનાઓ પણ અમને ફોટો-વિડિયો કે લેખિત માહિતી દ્વારા મોકલાવો. આપ અમને ફેસબુકમાં પણ લાઈક કરીને સતત અપડેટ મેળવી શકો છો. ફેસબુકમાં આપ અમને faceofnation.news નામથી સર્ચ કરી શકો છો)
