ફેસ ઓફ નેશન, 19-04-2020 : કોરોનાનો કેર સતત વધી રહ્યો છે. ગઈ રાતથી આજે સવાર સુધીમાં વધુ 228 કેસ નોંધાયા છે. જેમાં સૌથી વધુ અમદાવાદમાં 140 કેસ નોંધાયા છે. સુરતમાં 67, વડોદરામાં 8, રાજકોટમાં 5, આણંદમાં 1, ભાવનગરમાં 2 નવા કેસ નોંધાયા છે. આરોગ્ય વિભાગના અગ્ર સચિવ ડો.જયંતી રવિએ આ અંગે માહિતી આપતા જણાવ્યું હતું. અમદાવાદમાં દાણીલીમડા, મેઘાણીનગર, દુધેશ્વર, જુહાપુરામાં કેસો નોંધાયા છે. આજે કુલ પાંચ વ્યક્તિના મૃત્યુ થયા છે. જેમાંથી ચાર અમદાવાદના છે. અત્યારે કુલ 1604 પોઝિટિવ દર્દીઓ છે. જેમાંથી 9 વેન્ટિલેટર ઉપર છે. 1443 જેટલા લોકોની હાલત સ્થિર છે.
અમદાવાદની સ્થિતિ દિવસે દિવસે બગડતી જઈ રહી છે. શનિવારે સવારથી રાત સુધીમાં રાજ્યમાં વધુ 104 કેસ નોંધાયા હતા. જેમાંથી સૌથી વધુ અમદાવાદમાં 96 કેસ નોંધાયા હતા. શનિવારે કુલ 5 લોકોના મૃત્યુ થયા હતા. શનિવાર સુધી કુલ 1376 દર્દીઓ નોંધાયા હતા. (સતત સમાચારોની અપડેટ મેળવવા આપ અમને 9328282571 નંબર ઉપર “News” લખીને વોટ્સએપ મેસેજ કરો. આપની આસપાસ બનતી ઘટનાઓ પણ અમને ફોટો-વિડિયો કે લેખિત માહિતી દ્વારા મોકલાવો. આપ અમને ફેસબુકમાં પણ લાઈક કરીને સતત અપડેટ મેળવી શકો છો. ફેસબુકમાં આપ અમને faceofnation.news નામથી સર્ચ કરી શકો છો)
રાણીપ પોલીસ સ્ટેશનના કર્મચારીને જમીન ઉપર પથારી કરીને સારવાર અપાઈ રહી છે !
Exclusive : વિશ્વના આ દેશોમાં કોરોનાને માત આપવા મહિલાઓ કરી રહી છે નેતૃત્વ
