ફેસ ઓફ નેશન, 28-04-2020 : સરકાર દ્વારા કરવામાં આવતા કોરોનાના ટેસ્ટ કરાવવામાં લોકો ડરી રહ્યા છે. આ ટેસ્ટ કીટો ઉપર કોઈને ભરોસો નથી. લોકો એમ માને છે કે, કોઈ લક્ષણો નથી તો ટેસ્ટ કેમ કરાવવો ? ભારત સમેત આખી દુનિયા પર કોરોના વાઇરસની મહામારીએ ભરડો લીધો છે. દુનિયામાં લાખો લોકો તેનાથી પ્રભાવિત છે અને હજારો લોકોનાં મૃત્યુ થઈ ગયાં છે.
અમદાવાદમાં 80 ટકા કેસ એવા છે જેમાં કોઈ લક્ષણો નોંધાયા નહોતા. રવિવારે દિલ્હી અને મહારાષ્ટ્રના મુખ્યમંત્રીઓએ પણ આ આશંકા વ્યક્ત કરી હતી. દિલ્હીના મુખ્યમંત્રી અરવિંદ કેજરીવાલે રવિવારે જણાવ્યું હતું કે શનિવારે કુલ 736 લોકોનો ટેસ્ટ કરવામાં આવ્યો જેમાંથી 186 લોકો પોઝિટિવ મળી આવ્યા હતા. આ એવા લોકો હતા જેમનામાં કોરોનાના કોઈ જ લક્ષણો નહોતા.
અમેરિકામાં ડોક્ટરોએ ચેતવણી આપી છે કે કોરોના વાઇરસના કારણે ૩૦થી ૪૯ વર્ષના સંખ્યાબંધ લોકોનાં અચાનક મોત થઇ રહ્યાં છે. તેમાંથી ઘણા લોકોમાં કોરોનાના કે બીમારીના કોઇ લક્ષણ દેખાતાં નથી પરંતુ અચાનક આવતા સ્ટ્રોકના કારણે લોકોનાં મોત થઇ રહ્યાં છે. ન્યૂયોર્કમાં આ પ્રકારે ઘરોમાં જ ઘણા લોકોનાં મોત થયાં છે.
ગુજરાતમાં અમદાવાદ સહિતના ઘણા શહેરોમાં લોકો કોરોનાનો ટેસ્ટ કરાવતા ડરી રહ્યા છે. આ લોકોને ડર એ બાબતનો નથી કે કોરોનાનો રિપોર્ટ શું આવશે ? પરંતુ આવા મોટાભાગના લોકોને એ બાબતની ચિંતા છે કે, જો પોઝિટિવ આવશે તો સારવાર માટે જવું પડશે અને પરિવારને ક્વોરેન્ટાઇન કરવો પડશે. પોતાની જાતને બુદ્ધિશાળી માનતો આવો વર્ગ મહામુર્ખથી વિશેષ કઈ નથી. આવા લોકો પોતે તો ડરે છે પરંતુ ખોટી અફવાઓ અને ભડકાઉ મંતવ્યો રજૂ કરીને અન્ય લોકોને પણ ડરાવે છે. જેને લઈને કોરોનાના કેસોમાં વધારો થાય છે.
જે લોકોને કોરોનાના લક્ષણો નથી તેમ છતાં કોરોના પોઝિટિવ આવે છે તેવા લોકો સાઇલન્ટ કેરિયરોની ભૂમિકા અદા કરે છે. સરકાર જયારે કેટલાક વિસ્તારોમાં ટેસ્ટ કરવા માટે ટિમ મોકલી આપે છે ત્યારે લોકો ડરના અને ખોટા વહેમના કારણે ટેસ્ટ કરાવવાથી દૂર રહે છે. પરિણામે કોઈ એવા વ્યક્તિ હોય કે જેને કોરોના હોય પરંતુ લક્ષણો ન દેખાતા હોય તેવા લોકો અનેકના સંપર્કમાં આવીને આ ચેપને ફેલાતો વધારે છે. સરકારે આ મામલે કોઈ કડક કાર્યવાહી કરવી જરૂરી છે. કારણ કે, મૂર્ખ લોકો ખોટી વાતો ફેલાવીને કોરોનાના ટેસ્ટ કરતા લોકોને પણ ભડકાવવામાં મહત્વની ભૂમિકા ભજવી રહ્યા છે. (સતત સમાચારોની અપડેટ મેળવવા આપ અમને 9328282571 નંબર ઉપર “News” લખીને વોટ્સએપ મેસેજ કરો. આપની આસપાસ બનતી ઘટનાઓ પણ અમને ફોટો-વિડિયો કે લેખિત માહિતી દ્વારા મોકલાવો. આપ અમને ફેસબુકમાં પણ લાઈક કરીને સતત અપડેટ મેળવી શકો છો. ફેસબુકમાં આપ અમને faceofnation.news નામથી સર્ચ કરી શકો છો)
કોરોનાએ અમદાવાદ શહેરને છૂટું પાડી દીધું, તમામ બ્રિજો બંધ કરવામાં આવ્યા, જુઓ તસ્વીરો
કોરોનાના કેસો વધી રહ્યા છે તેવા વિસ્તારોમાં લોકડાઉન યથાવત રહેશે, મુખ્યમંત્રીઓ સાથેની બેઠકમાં સંકેત
