સુરત / કડોદરાની દોરા બનાવતી કંપનીમાં ભીષણ આગ,આખી ફેક્ટરી બળીને ખાક

• 10 કલાકે આગ પર મેળવાયો કાબુ
  લોકોની ભીડના પગલે પોલીસને મદદ માટે બોલાવાઈ

Face Of Nation:સુરતઃકડોદરા-નિયોલ ચેકપોસ્ટ નજીકના પુરીગામ પાસેની ગોપીનાથ એન્ટરપ્રાઈઝમાં ભીષણ આગ ફાટી નીકળી હતી.રાત્રે દોઢ વાગ્યા આસપાસ શોર્ટ સર્કિટને કારણે આગ લાગી હતી. આગ એટલી પ્રચંડ હતી કે શહેરના અન્ય ફાયરબ્રિગેડની પણ મદદ લેવામાં આવી રહી છે. લોકોની ભીડના પગલે પોલીસની મદદ લેવામાં આવી રહી છે.આગ 10 કલાકે કાબૂમાં આવ્યા બાદ કૂલિંગ કામગીરી હાથ ધરવામાં આવી છે.

દોરા બનાવતી કંપનીમાં આગ

કડોદરા-નિયોલ ચેક પોસ્ટ પર જયેશભાઈ દેવરાજભાઈ ચલિયાની ગોપીનાથ એન્ટરપ્રાઈઝમાં નામની દોરા (યાર્ન) બનાવતી કંપનીમાં આગ લાગી હતી. આગ એટલી પ્રચંડ હતી કે, 10 કલાક બાદ કાબૂ મેળવાયો હતો. આગમાં સંપૂર્ણ ફેક્ટરી બળીને ખાક થઈ ગઈ હતી. કરોડો રૂપિયાના નુકસાનનો અંદાજો માલિક દ્વારા સેવવામાં આવી રહ્યો છે.

ફાયરબ્રિગેડને હેરાનગતિ

આગ પ્રચંડ હોવાથી સુરત ફાયર બ્રિગેડની પણ મદદ લેવાઈ છે. બારડોલી, કડોદરા ફાયર સ્ટેશન સહિત અનેક ફાયર ફાઈટરો આગને કાબુમાં લેવાનો પ્રયાસ કરી રહ્યા છે.સુરતના ડુંભાલ ફાયરની ફાઈટર ટીમ, ટેન્કર, માઉઝર અને મોટા વરાછાની ગાડી આગને કાબુમાં લેવાનો પ્રયાસ કરી રહી છે.લોકોની ભીડ વચ્ચે ફાયર ફાઈટરો કામગીરી કરતા હેરાનગતિનો સામનો કરવો પડ્યો હતો. જેથી વધુમાં વધુ પોલીસ મદદ મંગાઈ હતી.