Face Of Nation 25-06-2022 : નર્મદાના કેવડિયા ખાતે આવેલા સ્ટેચ્યુ ઓફ યુનિટીએ ટુંકા ગાળામાં દેશ દુનિયામાં પોતાની આગવી ઓળખ ઉભી કરી છે. રાજ્ય સરકાર અને કેન્દ્ર સરકાર દ્વારા સ્ટેચ્યુ ઓફ યુનિટીમાં નવું-નવું નજરાણું ઉમેરવાના પ્રયાસો સતત ચાલું છે. ત્યારે સ્ટેચ્યુ ઓફ યુનિટી નજીક ગંગા મૈયાની જેમ નર્મદા મૈયાની ભવ્ય આરતીનું આયોજન કરાયું છે. હવે આ આરતીમાં લાઈટ અને સાઉન્ડ શોનું નજરાણું પણ ઉમેરાવવા જઈ રહ્યું છે. જેને કારણે નર્મદા મૈયાની આરતીનો લાભ લેનારા ભક્તોને આદ્યાત્મની ભવ્યતા-દિવ્યતાનો વિશેષ અનુભવ થશે.
સરદાર પટેલની પ્રતિમા પર સાંજે લેઝર શોનું આયોજન
સ્ટેચ્યુ ઓફ યુનિટીમાં સરદાર પટેલની સૌથી ઉંચી પ્રતિમાની સાથે સાથે અનેક નજરાણા ઉમેરવામાં આવ્યાં છે. જો કોઇ અહીં આવે તો ત્રણ દિવસ નિરાંતે તમામ નજરાણાની મજા માણી શકે તેવું સુંદર આયોજન કરવામાં આવ્યું છે. સરદાર પટેલની પ્રતિમા પર સાંજે લેઝર શોનું આયોજન કરાય છે. જેને જોવા માટે અહીં આવતા મુલાકાતીઓમાં વિશેષ આકર્ષણ જોવા મળતું હોય છે. સ્ટેચ્યુ ઓફ યુનિટી પાસે ગંગા મૈયાની તર્જ પર માં નર્મદાની વિશેષ આરતી કરવાનું આયોજન કરાયું છે.
આરતી વખતે લાઇટ એન્ડ સાઉન્ડ શોનું ટેસ્ટીંગ કરાયું
સ્ટેચ્યુ ઓફ યુનિટીની મુલાકાતે આવતા મોટાભાગના લોકો સરદાર પટેલના સ્ટેચ્યુની મુલાકાત લેવીની સાથે માં નર્મદાની ભવ્ય આરતીનો લાભ લે છે. હવે આરતીને વધુ વિશેષ બનાવવાની તૈયારીઓ તંત્ર દ્વારા કરી દેવામાં આવી છે. તાજેતરમાં માં નર્મદાની આરતી વખતે લાઇટ એન્ડ સાઉન્ડ શોનું ટેસ્ટીંગ કરાયું છે. જેને કારણે આરતીની દિવ્યતા અને ભવ્યતામાં વધારો થયો હોવાનું લાભાર્થીઓએ અનુભવ વ્યક્ત કર્યો છે. જોકે, હાલ પ્રાયોગિક ધોરણે આ કામ હાથ ધરવામાં આવ્યું છે. આવનાર સમયમાં આરતીમાં લાઇટ એન્ડ સાઉન્ડ શોનો ઉમેરો કરવામાં આવે તો નવાઈ નહી. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
