Face Of Nation 01-04-2022 : ‘આપ’ સુરતના સસ્પેન્ડેડ મહિલા કોર્પોરેટર કુંદનબેઠ કોઠીયાએ દોઢ મહિના પહેલા ‘આપ’નો સાથ છોડીને ભાજપનો હાથ પકડ્યો હતો. તેઓ સુરતના અન્ય કોર્પોરેટરો સાથે આપ છોડીને ભાજપમાં જોડાયા હતા. ત્યારે દોઢ મહિનામાં જ તેમણે ઘરવાપસી કરી છે. આવતીકાલે અરવિંદ કેજરીવાલ ગુજરાતના પ્રવાસે છે ત્યારે કુંદન કોઠીયાની ઘરવાપસી આપ માટે ખાસ બની રહી છે. કેજરીવાલના ગુજરાત પ્રવાસ દ્વારા કુંદન કોઠીયાની ઘરવાપસીના સમાચાર આપ માટે ખાસ બની રહ્યાં છે. ત્યારે સુરતના વોર્ડ નંબર 4 કોર્પોરેટર કુંદનબેન કોઠીયા પુનઃ આપમાં જોડાયા છે. દોઢ મહિના પહેલા આપમાંથી ભાજપમાં જોડાયા હતા.
ભાજપમાં અવાજ દબાવવામા આવે છે: કુંદનબેન
આપમાં ફરી આવીને કુંદન કોઠીયાએ જણાવ્યુ કે, આમ આદમી પાર્ટી મારી પાર્ટી છે. હું આનંદ અનુભવુ છું કે તેઓએ મને સ્વીકારી છે. ભાજપમાંથી પરત આવવાનું કારણ એ છે કે હું ખોટું સહન નથી કરી શકતી, ભાજપમાં સત્યનો અવાજ દબાવવામાં આવે છે. આજ કારણે મેં આપ મોવડી મંડળનો સંપર્ક કર્યો અને તેઓએ તુરંત મને સ્વીકારી હતી. હું વોર્ડ લેવલે ચૂંટાઈ હતી, ભાજપમાં ઉપરના આદેશ સિવાય કોઈ કામ નથી કરી શકતા. અગાઉ મારા સાથી કોર્પોરેટર સાથે ગેરસમજ હતી, જે દૂર થઈ ગઈ છે. મારી વાયરલ થયેલી ઓડિયોક્લિપ સાચી હતી, પણ ભાજપે ખોટી રીતે એડિટ કરીને વાયરલ કરી હતી. એ સમયે ભાજપે સોલ્યુશનની વાત કરી હતી, પણ ઉકેલ ન આવ્યો. જે ગેરસમજ હતી એ આપે દૂર કરી આપી છે.
આપ દ્વારા કુંદનબેનને સસ્પેન્ડ કર્યા હતા
આમ આદમી પાર્ટીએ કોર્પોરેટર કુંદનબેન કોઠીયાને સસ્પેન્ડ કર્યા હતા. એક કોર્પોરેટર સતત ભાજપના લોકોના સંપર્કમાં હોવાની વાત સામે આવતા પાર્ટી વિરુદ્ધ વર્તનને લઈને પાર્ટી દ્વારા કુંદન કોઠીયાને સસ્પેન્ડ કરવામાં આવ્યા હતા. તેના બાદ કુંદન કોઠિયા સંપર્ક વિહોણા બન્યા હતા અને ભાજપમાં જોડાયા હતા. દોઢ મહિના પહેલા સુરત આપના 5 કોર્પોરેટર આપ છોડીને ભાજપમા ગયા હતા. ભાજપ પ્રદેશ પ્રમુખ સીઆર પાટીલે આ ઓપરેશન પાર પાડ્યુ હતું. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
