Face Of Nation 25-05-2022 : RCBના ફેન્સ માટે સારા સમાચાર સામે આવ્યા છે. મિસ્ટર 360 તરીકે ઓળખાતો એબી ડિવિલિયર્સ આવતા વર્ષથી IPLમાં કમબેક કરવા જઈ રહ્યો છે. તે RCBનો ભાગ બનશે એ વાતની પુષ્ટિ તાજેતરમાં ડિવિલિયર્સે કરી છે. મને એ સાંભળીને આનંદ થયો કે વિરાટ કોહલીએ પોતે આ વાતની પુષ્ટિ કરી છે. સાચું કહું તો, અમે હજી કંઈ નક્કી કર્યું નથી. આવતા વર્ષે હું ચોક્કસપણે આઈપીએલ સાથે સંકળાયેલો રહીશ.તો બીજીતરફ મને મારી ભવિષ્યની જવાબદારીઓ વિશે હજુ સુધી જાણ નથી. પરંતુ હું કમબેક કરવાની રાહ જોઈ રહ્યો છું. ડિવિલિયર્સના કમબેકની માહિતી બુધવારે એલિમિનેટરમાં LSG સામે રમનારી RCBના ઉત્સાહને વેગ આપી શકે છે.
RCBના પૂર્વ વિરાટ કોહલી આપ્યા સંકેતો
થોડા દિવસો પહેલા RCBના પૂર્વ કેપ્ટન વિરાટ કોહલીએ ABDના કમબેકનો સંકેત આપ્યો હતો. RCBના સોશિયલ એકાઉન્ટ પર વાત કરતી વખતે કોહલીએ કહ્યું હતું કે ડિવિલિયર્સ આવતા વર્ષે નવી ક્ષમતાઓ સાથે ફ્રેન્ચાઈઝીમાં જોડાઈ શકે છે. તે કઈ ભૂમિકામાં પાછો ફરશે તે હજી નક્કી નથી (ખેલાડી, કોચ અથવા માર્ગદર્શક).
ડિવિલિયર્સે સિઝન પહેલા નિવૃત્તિ લીધી હતી
એબી ડિવિલિયર્સે પણ આઈપીએલ-15 પહેલા ગયા વર્ષે નવેમ્બરમાં આઈપીએલમાંથી નિવૃત્તિ લીધી હતી. અગાઉ, તેણે 2018મા ક્રિકેટના તમામ સ્વરૂપોમાંથી નિવૃત્તિ લીધી હતી, પરંતુ પછી તેણે IPL રમવાનું ચાલુ રાખવાનો નિર્ણય કર્યો છે. તો બીજીતરફ ડિવિલિયર્સની પસંદગી IPL હોલ ઓફ ફેમમાં કરવામાં આવી છે, ફ્રેન્ચાઇઝીએ થોડા દિવસો પહેલા જ તેને અને ગેલને તેમના પ્રથમ હોલ ઓફ ફેમમાં સામેલ કર્યા છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
