ફેસ ઓફ નેશન, 11-04-2020 : કોરોનાની મહામારીથી સમગ્ર વિશ્વ ફફડી રહ્યું છે. ભારતમાં લોકડાઉન જાહેર કરી દેવામાં આવ્યું છે. છતાં લોકો આ રોગની ગંભીરતા સમજતા નથી. ઘરમાં રહેવાનું પણ લોકોને ખટકી રહ્યું છે. જાણે અજાણે આવા લોકો અન્યો માટે મુસીબત ઉભી કરી રહ્યા છે. અમદાવાદના પશ્ચિમ વિસ્તારમાં પણ કોરોનાના કેસો નોંધાયા છે. તેવામાં લોકો સજાગ રહે તે અત્યંત જરૂરી છે. તેમ છતાં લોકો વોકિંગ માટે અને ક્રિકેટ, વોલીબોલ રમવા નીકળી પડે છે. સાયન્સસિટીમાં પેટ્રોલિંગ કરી રહેલી સોલા પોલીસે વોલીબોલ રમી રહેલા લોકોની ધરપકડ કરી છે. આ લોકો સામે ગુનો નોંધવામાં પણ આવ્યો છે. શુકન-6ની પાછળ આવેલા સાંઈ જ્યોત રેસિડન્સીના મેદાનમાં કેટલાક યુવકો વોલીબોલ રમી રહ્યા હતા. જેને લઈને પેટ્રોલિંગમાં રહેલી પોલીસ ત્યાં પહોંચી હતી. વોલીબોલ રમતા નિશ્વય પટેલ, હર્ષિલ ઠક્કર, ચિંતન ગોંડલીયા, હાર્દિક પટેલ, કરણ પટેલની પોલીસે અટકાયત કરી હતી. આ તમામને પોલીસ સ્ટેશન લઈ જઈ કાયદેસર ગુનો નોંધી તપાસ હાથ ધરી હતી.
Exclusive : કોરોનાના ટેસ્ટને લઈને મહારાષ્ટ્ર અને રાજસ્થાન મોખરે
Thank You Gujarat Police : લોકડાઉન પછી શું કરશે પોલીસ જવાનો, આ વિડીયો જુઓ અને શેર કરો
