ફેસ ઓફ નેશન, 08-05-2020 : અમદાવાદ શહેરમાં પોલીસ ઉપર પથ્થરમારો કરવાના કિસ્સાઓ વધી રહ્યા છે. આજે શાહપુરમાં પોલીસ ઉપર પથ્થરમારો કરવામાં આવ્યો હોવાની ઘટના સામે આવી છે. સૂત્રો પાસેથી મળતી માહિતી પ્રમાણે, શાહપુર અડ્ડા પાસે પથ્થરમારો કરવામાં આવ્યો છે. જેમાં સ્થાનિક પોલીસ સ્ટેશનના પીઆઇ પણ ઘાયલ થયા હોવાના અહેવાલ પ્રાપ્ત થયા છે. પોલીસે સ્થિતિ કાબુમાં લેવા માટે પાંચ જેટલા ટીયર ગેસના સેલ પણ છોડ્યા છે સાથે જ હવામાં ફાયરિંગ કર્યું હોવાની પણ ચર્ચાઓ ઉઠી છે. હાલ પોલીસે તમામ વિસ્તારમાં પેટ્રોલિંગ વધારી દીધું છે અને ચુસ્ત પોલીસ બંદોબસ્ત ગોઠવી દીધો છે.
પથ્થરમારો કરનારા તત્વોને ઝડપી લેવા પણ પોલીસે કવાયત હાથ ધરી છે. આ પથ્થરમારો ક્યાં કારણોથી થયો તે આ લખાય છે ત્યાં સુધી જાણી શકાયું નથી. પથ્થરમારો થયાના મેસેજ મળતા જ પોલીસનો કાફલો ઉચ્ચ અધિકારીઓ સહીત ઘટના સ્થળે પહોંચી ગયો છે અને સ્થિતિ નિયંત્રણ હેઠળ લેવાના પ્રયાસ કરવામાં આવી રહ્યા છે. (સમાચારની અપડેટ મેળવવા માટે ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
ગુજરાતની સત્તા બદલાવવાની વાત અંગે મનસુખ માંડવીયાએ કર્યું આ ટ્વીટ
