Face Of Nation:ભિલોડા તાલુકાના કમઠાડીયા ગામના સીમાડામાંથી રૂા.૧.૬૮ લાખનો વિદેશી દારૂ અને ન્યુ બ્રાન્ડેડ મહિન્દ્રા સ્કોર્પિઓ કાર સહિત રૂા.૯,૬૯,પ૦૦/- નો કુલ મુદ્દામાલ પોલીસ ધ્વારા ઝડપાયો હતો.પોલીસને ચકમો આપી બે અજાણ્યા બુટલેગરો પલભરમાં પલાયન થઈ ગયા હતા.પોલીસએ વિદેશી દારૂ અને પાર્સિંગ વિહોણી ન્યુ બ્રાન્ડેડ કારનો કબજો મેળવી વધુ તપાસ હાથ ધરી હતી.
ભિલોડા પોલીસ સ્ટેશન પી.એસ.આઈ. એસ.એચ.પરમાર,પોલીસ ટીમએ નાઈટ પેટ્રોલીંગ દરમ્યાન ફરતા હતા તે અરસામાં બુટલેગરો પોલીસને જોઈ જતાં વિદેશી દારૂ ભરેલી સ્કોર્પિઓ કાર બિનવારસી રીતે મુંકીને બે અજાણ્યા બુટલેગરો પલાયન થઈ ગયા હતા.કમઠાડીયા ગામના માર્ગની બાજુમાં બિનવારસી રીતે પાર્ક કરેલી સ્કોર્પિઓ કારની અંદર પોલીસએ તપાસ કરતાં પાસ પરમીટ વગરનો પર પ્રાંતિય વિદેશી દારૂ બોટલ નંગ-૩૬૦ કિં.રૂા.૧,૬૮,૦૦૦/-,મોબાઈલ નંગ-૩ કિં.રૂા.૧પ૦૦/- અને ન્યુ બ્રાન્ડેડ મહિન્દ્રા સ્કોર્પિઓ કારની કિં.રૂા.૮,૦૦,૦૦૦/- કુલ કિં.રૂા.૯,૬૯,પ૦૦/- નો મુદ્દામાલ પોલીસએ નાઈટ પેટ્રોલીંગ દરમ્યાન ઝડપી લીધો હતો.બુટલેગરોનો પ્રતિબંધીત વિસ્તારમાં વિદેશી દારૂ ઘુસાડવાનો કિમીયો નિષ્ફળ નિવડયો હોઈ પોલીસને જોઈને પલાયન થયેલા બે અજાણ્યા બુટલેગરો વિરૂધ્ધ પ્રોહિબીશન એક્ટ મુજબ ગુનો નોંધી તપાસના ચક્રો ગતિમાન કર્યા છે.
