Face Of Nation:અંબાજી દાંતા પાસે આંબાઘાટા ખાતે ગઇકાલે મોડી રાતે 65 મુસાફરો ભરેલી લક્ઝરી બસ પલટી જતા 45 મુસાફરોને ઇજા પહોંચી છે જ્યારે 20 લોકોની હાલત ગંભીર છે. આ લક્ઝરી બસનાં મુસાફરો અંબાજીથી દર્શન કરીને આવ્યાં હતાં અને મહેસાણા જઇ રહ્યાં હતાં. દુર્ઘટના બાદ ઇજાગ્રસ્તોને સતલાસણા રેફરલ હોસ્પિટલમાં સારવાર આપવામાં આવી હતી. જે બાદ ત્યાંથી વધુ સારવાર માટે થોડા લોકોને અમદાવાદ સિવિલ હોસ્પિટલમાં લઇ જવામાં આવ્યાં હતાં જ્યારે ખેરાલુ, મહેસાણા અને વડનગર ખાતે સારવાર આપવામાં આવી રહી છે.
