https://youtu.be/iCjNzUHqdVc
Face Of Nation 26-06-2022 : કેન્દ્રીય ગૃહ મંત્રી અમિત શાહ ગુજરાતની મુલાકાતે છે. ત્યારે આજે SOU (સ્ટેસ્યુ ઓફ યુનિટી) ખાતે ગૃહમંત્રી અમિત શાહે પરિવાર સાથે જંગલ સફારીની સફર માણી હતી. તેમની પત્ની તેમજ પૌત્ર પણ સાથે રહ્યા હતા. કેવડિયા SOU ઉપર સામાન્ય હાઈ પ્રોફાઇલ VVIPની મુલાકાત હોય ત્યારે સામાન્ય પ્રવાસીઓ માટે તેટલો સમય મુલાકાત બંધ કરવામાં આવે છે. જોકે, કેન્દ્રીય ગૃહમંત્રી અમિત શાહે પ્રોટોકોલ તોડી સ્ટેચ્યુ ઓફ યુનિટી અને જંગલ સફારીની મુલાકાત સામાન્ય મુલાકાતીની જેમ જ પરિવાર સાથે માણી હતી. અમિત શાહ સાથે SOUનો પ્રવાસ કરતા જોઈ અન્ય પ્રવાસીઓ પણ ખુશખુશાલ થઈ ઉઠ્યા હતા. કેન્દ્રીય ગૃહમંત્રીએ ‘કેમ છો ભાઈ, કાકા, દાદા કહી’ લોકોનું અભિવાદન કર્યું હતું.
પ્રવાસીઓ સાથે ભળી જઈ અભિવાદન ઝીલ્યું
કેન્દ્રીય ગૃહ અને સહકાર મંત્રી અમિત શાહે એકતા નગરની દ્વિ-દિવસીય મુલાકાત દરમિયાન સરદાર વલ્લભભાઇ પટેલ ઝૂલોજીકલ પાર્ક (જંગલ સફારી)ની પરિવાર સાથે મુલાકાત લીધી હતી. જંગલ સફારી પાર્કની મુલાકાત દરમિયાન અમિત શાહે પ્રોટોકોલ તોડીને પ્રવાસીઓ સાથે ભળી જઈ પ્રવાસીઓનું અભિવાદન ઝીલ્યું હતું. પ્રવાસીઓએ પણ ભારત માતાની જયના બુંદલનારાથી મંત્રીનું સ્વાગત કર્યું હતું.
જંગલ સફારીના અધિકારીઓ સાથે જોડાયા
અમિત શાહે તેમની સ્ટેસ્યુ ઓફ યુનિટી એકતા નગરની દ્વિ-દિવસીય મુલાકાતના પ્રથમ દિવસે તેમના પરિવારજનો સાથે સરદાર વલ્લભભાઇ પટેલ ઝૂલોજીકલ પાર્ક (જંગલ સફારી)ની મુલાકાત લીધી હતી. આ મુલાકાત દરમિયાન ગૃહમંત્રી અમિત શાહની સાથે જંગલ સફારીનાં નિયામક ડૉ. રામરતન નાલા સહિતના અધિકારીઓ જોડાયા હતા. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
