Face Of Nation, 27-09-2021: કેંદ્ર સરકારના કૃષિ કાયદાઓની વિરૂદ્ધમાં ખેડૂતોએ આજે ભારત બંધની જાહેરાત કરી છે. ખેડૂતોના ભારત બંધને તમામ વિપક્ષી રાજકીય પક્ષોએ સમર્થન આપ્યું છે. સંયુક્ત કિસાન મોરચાના નેતૃત્વમાં 40 ખેડૂત સંગઠનોએ આજે ભારત બંધને સમર્થન આપવાની લોકોને અપીલ કરી છે. ખેડૂતોના ભારત બંધથી કૃષિ કાયદા વિરૂદ્ધના આંદોલનને વધુ તેજ બનાવવામાં આવશે. સરકારે આ આંદોલન બાદ કહ્યું છે કે, અમે વાતચીત માટે તૈયાર છીએ. ભારત બંધ દરમિયાન ખેડૂતોએ મુખ્યત્વે દિલ્હી, યુપી અને હરિયાણામાં પોતાનું પ્રદર્શન તેજ કર્યું છે. ખેડૂતોએ દિલ્હીમાં ગાઝીપુર બોર્ડર, શંભુ બોર્ડર બ્લોક કરી છે. જ્યારે દિલ્હી-અમૃતસર, દિલ્હી-અંબાલા સહિત અન્ય ઘણા રસ્તાઓ પણ ખેડૂતોએ બંધ કરી દીધા છે.
ભારત બંધ દરમિયાન વિવિધ સ્થળોએ ખેડૂતો રેલી કાઢી, ધરણા પ્રદર્શન કરીને પોતાનો વિરોધ નોંધાવશે. સંયુક્ત કિસાન મોરચાએ જણાવ્યું કે ભારત બંધનું આયોજન આજે સવારે છ વાગ્યાથી ચાર વાગ્યા સુધી ચાલશે. આ દરમિયાન દરેક સરકારી, ખાનગી કચેરીઓ, શિક્ષણ અને અન્ય સંસ્થાઓ, દુકાનો, ઉદ્યોગ અને વેપારી સંસ્થા બંધ રહેશે. જ્યારે બીજી તરફ બંધ દરમિયાન હોસ્પિટલ, ઈમરજંસી સેવાઓ, મેડિકલ સ્ટોર્સ, રાહત તેમજ બચાવ કાર્યો વગેરે ખુલ્લા રહેશે.
જે પણ વિસ્તારોમાં ખેડૂતો ધરણા પ્રદર્શન પર બેઠા હોય ત્યાંથી જો કોઈ એમ્બ્યુલંસ પસાર થવાની હોય તો તુરંત જ રસ્તો કરી આપવામાં આવશે. માલવાહક મોટક વ્હિકલને દિલ્લીની અંદર કે બહાર જવા નદી દેયા, સંયુક્ત કિસાન મોરચાના સમર્થનમાં અનેક ખાનગી ટ્રાંસપોર્ટ એસોસિએશન પણ બંધમાં જોડાશે. વિપક્ષોએ ખેડૂતોના ભારત બંધને સમર્થન આપ્યું છે.
ખેડૂતોના ભારત બંધને ગુજરાતમાં ખેડૂત સંગઠનો, ટ્રેડ યુનિયનો ઉપરાંત કૉંગ્રેસ, આમ આદમી પાર્ટીએ પણ ટેકો જાહેર કર્યો છે. બંધના એલાનને લઈને કોઈ અનિચ્છિય બનાવ ન બને તે માટે તકેદારીના ભાગરૂપે રાજ્ય સરકાર સતર્ક બની છે. જ્યારે પોલીસ પણ સ્ટેંડ ટુ થઈ છે. પોલીસે એક દિવસ અગાઉથી જ અમુક વિસ્તારોમાં ચુસ્ત બંદોબસ્ત ગોઠવી દીધો છે. (આપની આસપાસ બનતી માહિતીના ફોટા કે વિડીયો અથવા આપની રજુઆત કે જેને તમે સમાચારમાં સ્થાન આપવા માંગતા હોવ તેને અમને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1. ફેસબુકમાં પણ faceofnation.news નામથી સર્ચ કરી લાઈક કરીને સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો)
