Face Of Nation:સોમવારે ભુજ તાલુકાના સામત્રા અને માનકુવા નજીક ડાકડાઇ ગામના પાટીયા પાસે પેસેન્જર છકડા જી.જે.12 બીયુ 0571 તથા મોટર સાયકલથી માતાનામઢ દર્શન કરી પરત આવતા હતા તે સમયે સામેના રોડ પર સામેથી પુરપાટ આવતી ટ્રક જી.જે.12 એ ડબ્લ્યુ 8829ના ચાલકે તેની આગળ જતી ટ્રકને ઓવર ટેક કરીને અકસ્માત સર્જીને છકડામાં સવાર પેસેન્જરો અને મોટર સાયકલ પર આવતાં સવારોને ગંભીર પ્રકારની ઇજાઓ પહોંચાડી હતી. આ ગમખ્વાર અકસ્માતમાં 12 જણના મોતા થયા હતા, જ્યારે અન્ય 6 વ્યક્તિઓ પૈકી એકની હાલત અતિ નાજુક હોવાનું જાણવા મળ્યું છે. આ ટ્રક ડ્રાઇવરનો લાઇસન્સ કાયમ માટે રદ્દ કરવામાં આવશે તેવું આરટીઓ દીલીપ યાદવે જણાવ્યું હતું.
ગમખ્વાર અકસ્માત સર્જીને નાસી ગયેલા રમેશ કુંભાભાઇ સંજોટને સોમવારે રાત્રે બી-ડિવીઝન પોલીસે રાપર નજીકથી અટકાયત કરી લીધી હતી, બાદમાં મંગળવારે સવારે તેની વિધીવત ધરપકડ બતાવી તેને કોર્ટમાં રજૂ કરાશે.
