Face Of Nation:છેલ્લા 24 કલાક દરમિયાન રાજ્યમાં સાર્વત્રિક વરસાદ નોંધાયો છે. રાજ્યના તમામ 33 જિલ્લા અને તાલુકાઓમાં વરસાદ નોંધાયો છે. જેમાં સૌથી વધારે વરસાદ બોટાદ જિલ્લાના બરવાળા તાલુકામાં નોંધાયો છે. શનિવારે સવારે છ વાગ્યે પૂરા થતાં 24 કલાક દરમિયાન બરવાળામાં 15 ઇંચ વરસાદ નોંધાયો છે.છેલ્લા 24 કલાક દરમિયાન રાજ્યમાં 98 જગ્યાએ ચાર ઇંચ કરતા વધારે વરસાદ નોંધાયો છે. રાજ્યમાં 228 જગ્યાએ એક ઇંચ કરતા વધારે વરસાદ નોંધાયો છે. રાજ્યમાં ગીર-સોમનાથ જિલ્લામાં છેલ્લા 24 કલાક દરમિયાન સૌથી ઓછો વરસાદ નોંધાયો છે. ગીર સોમનાથને બાદ કરતા અન્ય જગ્યાએ સારો વરસાદ નોંધાયો છે.
