ફેસ ઓફ નેશન, 08-04-2020 : વેજલપુરમાં દારૂ પીને પોતાના ભાઈ સાથે બોલાચાલી કરતા વ્યક્તિની પોલીસે ધરપકડ કરી ગુનો નોંધી કાયદેસરની કાર્યવાહી કરી છે. વેજલપુર પોલીસનો સ્ટાફ વિસ્તારમાં પેટ્રોલિંગમાં હતો ત્યારે એક વ્યક્તિએ કંટ્રોલરૂમમાં ફોન કરીને જણાવ્યું હતું કે, મારો ભાઈ દારૂ પીને આવ્યો છે અને મારી સાથે ઝઘડો કરે છે. જેને લઈને પોલીસ કીર્તિધામ કોમ્પ્લેક્સ વિભાગ એ/2 ખાતે પહોંચી હતી. જ્યાં તપાસ કરતા માલુમ પડ્યું હતું કે, એક વ્યક્તિ દારૂ પીધેલી હાલતમાં લથડિયાં ખાતો હતો અને બીજા વ્યક્તિ સાથે બોલાચાલી કરી રહ્યો હતો. જેથી પોલીસે તેની અટકાયત કરી તપાસ હાથ ધરી હતી જેમાં તે દારૂ પીધેલો જણાઈ આવતા ગુનો નોંધી કાયદેસરની કાર્યવાહી હાથ ધરી હતી.
Exclusive : ગુજરાતમાં કોરોના મામલે મુખ્ય ભૂમિકા ભજવનાર આરોગ્ય સચિવ ડો. જયંતિ રવિ, જાણો તેમના વિષે
ભારતમાં કોરોનાના કુલ કેસો જેટલો અમેરિકાના ન્યૂયોર્કનો મૃત્યુઆંક છે !
