Face Of Nation:ભારતીય અંતરિક્ષ અનુસંધાન સંસ્થાને (ISRO) GSLV માર્ક III-M1 ચંદ્રયાન-2ના લોન્ચ વ્હીકલની રિહર્સલ પુરી કરી લીધી છે. ઇસરોએ જણાવ્યું છે કે ચંદ્રયાન-2ની બધા પ્રકારની ટેકનિકલી પરેશાનીને દુર કરી દીધી છે. રવિવારે સાંજથી ચંદ્રયાન-2ના લોન્ચનું કાઉનડાઉન શરુ થઈ ગયું છે. ભારતનું બીજુ મૂન મિશન સોમવારે શ્રીહરિકોટાના સતીશ ધવન સ્પેસ સેન્ટરથી લોન્ચ થશે. 20 કલાક ચાલનાર કાઉનડાઉન પછી સોમવારે બપોરે 2.43 કલાકે આ મિશન લોન્ચ કરવામાં આવશે. આ GSLV માર્ક 3 એમ-1 રોકેટથી લોન્ચ કરવામાં આવશે.
