Face Of Nation 23-04-2022 : ચીનના શાંઘાઈમાં છેલ્લા એક દિવસમાં કોવિડ-19ના કારણે વધુ 11 દર્દીઓના મોત થયા બાદ લોકોમાં આક્રોશ વધી રહ્યો હોવાના અહેવાલો વચ્ચે શહેરમાં લોકડાઉન 26 એપ્રિલ સુધી લંબાવવામાં આવ્યું છે. 26 મિલિયનની વસ્તી ધરાવતા શાંઘાઈમાં કોરોનાના વર્તમાન મોજા દરમિયાન મૃત્યુઆંક વધીને 36 થઈ ગયો છે.
શાંઘાઈ શહેરમાં સ્થિતિ ખૂબ જ ખરાબ
શુક્રવારે જાહેર કરાયેલા ડેટા અનુસાર, છેલ્લા 24 કલાકમાં શહેરમાં સંક્રમણના 17,629 નવા કેસ નોંધાયા છે,જે એક દિવસ અગાઉ નોંધાયેલા કેસો કરતાં 4.7 ટકા ઓછા છે. પહેલી માર્ચથી, શહેરમાં ચેપના કુલ કેસોની સંખ્યા વધીને 4,43,500 થઈ ગઈ છે. એક મીડિયાના એહેવાલ પ્રમાણે હોંગકોંગ હોસ્પિટલોમાં કોવિડ-19ના 30,813 દર્દીઓની સારવાર થઈ રહી છે. જ્યારે સત્તાવાર આંકડાઓ અનુસાર શાંઘાઈમાં સ્થિતિ ખૂબ જ ખરાબ છે. શહેરમાં સતત ચોથા સપ્તાહે લોકડાઉન ચાલુ છે.
બ્રિટનમાં 505 દિવસ સુધી કોરોના સંક્રમિત રહ્યો
બ્રિટનમાં, ખૂબ જ નબળી રોગપ્રતિકારક શક્તિ ધરાવતો દર્દી લગભગ દોઢ વર્ષથી કોરોનાથી સંક્રમિત છે. વૈજ્ઞાનિકોએ કહ્યું કે, સૌથી લાંબા સમય સુધી કોવિડ-19 થી સંક્રમિત રહેવાનો મામલો છે. કારણ કે તમામ લોકોના સંક્રમણની તપાસ કરવામાં આવી નથી.ચેપી રોગના નિષ્ણાત ડો.લ્યુક બ્લેગડોન સ્નેલે જણાવ્યું હતું કે, 505 દિવસ સુધી એક વ્યક્તિ સંક્રમિત રહ્યો જેથી ચોક્કસપણે સૌથી લાંબો ચેપ કેસ જેવો લાગે છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 ઉપર વોટ્સએપ કરો અથવા [email protected] ઉપર ઇમેઇલ કરી શકો છો. આપ ટેલિગ્રામની joinchat/SG0NAxhmbJweEQL1Ov-lkg આ લિંક ઓપન કરી ગ્રુપમાં જોડાઈ દરરોજે સમાચારની અપડેટ સમયસર મેળવી શકો છો તથા ટેલિગ્રામમાં અમારી ચેનલ પણ સબસ્ક્રાઇબ કરી શકો છો જેનું નામ છે : faceofnation1 ફેસબુકમાં પણ faceofnation.news નામથી સર્ચ કરી લાઈક કરીન સતત અપડેટ મેળવી શકો છો. ટ્વીટરમાં FaceOfNation1 નામથી સર્ચ કરી ફોલો કરી સતત અપડેટ મેળવી શકો છો).
